ටිම් කාහිල් 2006,2010,2014 සහ 2018 වසරවලදී ඔස්ට්‍රේලියාව නියෝජනය කරමින් ලෝක පාපන්දු සූරතාවලියට සහභාගි වූ ක්‍රීඩකයෙකි.එමෙන්ම ඔහු ඔස්ට්‍රේලියානු ජාතික කණ්ඩායමට නායකත්වය දුන් තරග 108 දී ඔස්ට්‍රේලියාව නියෝජනය කරමින් ගෝල 50 ක් රැස් කර ගත් එරටින් බිහි වූ සුපිරිතම මැද පෙළ ක්‍රීඩකයෙකු වේ.
ඔලිම්පික් තරග මෙන්ම ආසියානු පාපන්දු සූරතාවලිය සඳහා සිව් වරක් ඔස්ට්‍රේලියාව නියෝජනය කරන්නට වරම් ලද ටිම් කාහිල් මේ වන විට 43 වන වියේ පසුවන ලෝකයේ පාපන්දු කේෂ්ත්‍රය තුළ ජනප්‍රිය චරිතයක් බව අවිවාදිතය.
කාහිල් මේ මොහොතේ ලාංකේය පාපන්දුවට අතිශයින් වැදගත් චරිතයක් හැටියට ස්ථාපිත වෙමින් සිටියි.ඒ ශ්‍රී ලංකා පාපන්දු සභාපතිවරයාගේ ප්‍රධාන උපදේශක ලෙස සහ ප්‍රධාන ව්‍යාපෘති නිලධාරි ලෙස ශ්‍රී ලංකා පාපන්දුව සමඟ එක්වීමට එකඟතාවය පළ කර ඇති නිසාය.ඒ අනුව ශ්‍රි ලංකා පාපන්දු සභාපතිගේ උපදේශක ලෙස Aspire පාපන්දුව පෙරට ව්‍යාපෘතිය වඩාත් පළල් ලෙස ආරම්භ කිරීමට ටිම් ගේ දායකත්වය ඉදිරියේදී ශ්‍රී ලංකා පාපන්දුවට සහ පාපන්දු සභාපතිවරයාට ලැබෙනු ඇත.
Aspire පාපන්දු ව්‍යාපෘතිය යටතේ ටිම් ගේ දායකත්වය ශ්‍රී ලංකාවට දිනා ගැනීම සඳහා ටිම් කාහිල් හමුවීම සිඳු වූයේ ශ්‍රි ලංකා පාපන්දු සභාපති ජස්වර් උමාර් සහ උප සභාපතිවරුන් වන රංජිත් රොද්‍රිගෝ සහ මනිල් ප්‍රනාන්දු එක්වය.
සටහන – නිෂ්මං රණසිංහ
