සටහන – රෂිකා හෙන්නායක
කොළඹ (LNW): ඖෂධ නියාමන අධිකාරියේ ප්‍රධාන විධායක නිළධාරියාව සේවා අවශ්‍යතාවය මත නැවතත් සෞඛ්‍ය අමාත්‍යාංශයේ සේවයට කැදවීමට සෞඛ්‍ය ලේකම්වරයා තීරණය කර ඇති බව පරිපූරක වෛද්‍යවෘත්තියවේදීන්ගේ ඒකාබද්ධ බලමණ්ඩලය පවසයි.
ඒ අනූව, එම තීරණයට අනුගත වීමට හෝ අභියාචනය කරමින් කල් ගැනිමට ප්‍රධාන විධායක නිළධාරියාට හැකියාවක් ඇති බවත්, ප්‍රධාන විධායක නිළධාරීයා විසින් පරිපූරක වෛද්‍ය වෘත්තීයවේදීන්ගේ 23දෙනෙකු ඉවත් කිරීම සඳහාද භාවිත කරන ලද්දේ මෙම ක්‍රමවේදයම වන බව,පරිපූරක වෛද්‍යවෘත්තියවේදීන්ගේ ඒකාබද්ධ බලමණ්ඩලයේ සභාපති රවී කුමුදේශ් මහතා පවසා සිටී.
රවී කුමුදේශ් මහතා වැඩිදුරටත් පැවසූවේ , එම ප්‍රධාන විධායක නිළධාරීයා විසින් ඖෂධ නියාමන අධිකාරියේ ඔහුට අවනත නොවන වෘත්තිකයින් ඉවත් කිරීම සදහා හදුන්වා දුන් ක්‍රමවේදයම, ඔහුව තනතුරින් පහ කිරිමටද සෞඛ්‍ය ලේකම්වරයා විසින් භාවිත කොට ඇති බවයි.
කෙසේ නමුත් මෙය සාමාන්‍ය ආයතනික ක්‍රමවේදයක් වන අතර, කිසිදු ලෙසකින් දඬුවම් ලබා දීමක් නොවන බවත්, මේ පිළිබඳව ප්‍රධාන විධායක නිළධාරි විජිත් ගුණසේකර මහතාගේ ප්‍රතිචාර තවම ලබා දී නොමැති බවද කුමුදේශ් මහතා තවදුරටත් පවසා සිටී.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
