සටහන – රෂිකා හෙන්නායක
කොළඹ (LNW): ඖෂධ වලට, උකරණවලට සහ ප්රතික්රීයක ඇතුළු රසායන ද්රව්ය වලට වැඩි කරන මුදල් ගෙවන්න වෙන්නේ සෞඛ්ය සේවාවට වෙන්කල මුදල් වලින් සහ ආධාර වලින්ම බව සෞඛ්ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පවසයි.
ඒ පිළිබඳ අදහස් දක්වන ඒ මහතා ,
” රජය සෞඛ්ය සේවාවට කියලා රුපියල් 100ක් දීලා 18ක් ගන්නවා. ඒ 18 ගන්නේ දුන්න ඒවායෙන් විතරක් නෙවේ, නිදහස් සෞඛ්ය සේවාව ගොඩ ගැනීම සඳහා විශාල වශයෙන් ලැබෙන ආධාර, පරිත්යාග වලිණුත් 18ප්%ක් නැවත පැහැර ගන්නවා.
වැඩිකරන වැට් වලින් එක රුපියලක්වත් සමාගම් විසින් ගෙවන්නේ නෑ. සෞඛ්ය සේවවේ මිලදි ගැනීමේ හැකියාව තමයි රජය විසින් 18%කින් බාල්දු කරන්න යන්නේ.
අතිමහත් බහුතරයක් සෞඛ්ය උපකරණ, ප්රතික්රීයක, ඖෂධ ගෙන්වන්නේ පිටරට වලින් රුපියලේ අගය බාල්දු වීමයි, අළුත්ම වැට් එකයි නිසා සෞඛ්ය සේවාවේ මිලදි ගැනීමේ හැකියාව 50%කින් විතර අඩුවෙලා. ඒ කියන්නේ නිදහස් සෞඛ්ය සේවාව 50%කින් කප්පාදු වෙලා.
නිදහස් සෞඛ්ය සේවාවට කියලා රජය බොරුවට ප්රතිපාදන වෙන් කරලා, අධාර ලැබුණු ඒවාත් එකතු කරලා නැවත පැහැර ගන්නේ නැතුව, රටේ මිනිස්සුන්ට ඇතම කියන්න, නිදහස් සෞඛ්ය සේවාව දෙන්න පුළුවන් 50%යි කියලා, මිනිස්සුන්ට ඇත්තම කියන්න. එතකොට රටේ මිනිස්සු තීරණයක් ගනියි”
ලෙස පැවසීය .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
