සටහන – රෂිකා හෙන්නායක.
ලෝකය (අවුට්බවුන්ඩ් ටුඩේ):ඊශ්‍රායලය විසින් ගාසා තීරයට එල්ල කළ ඩ්‍රෝන ප්‍රහාරයකින් සිය මාධ්‍ය ආයතනයේ කැමරා ශිල්පියෙකු ඝාතනයට ලක්වීම සම්බන්ධයෙන් ජාත්‍යන්තර අපරාධ අධිකරණයේ නඩුවක් ගොනු කිරීමට අල්ජසීරා මාධ්‍ය ආයතනය තීරණය කර ඇත.
ගාසා තීරයේ පිහිටි අවතැන් වූ පුද්ගලයින් නවාතැන්ගෙන සිටි පාසලක වාර්තා කටයුතුවල නිරත වෙමින් සිටි අදාළ කැමරා ශිල්පියා සිකුරාදා දිනයේ ඊශ්‍රායලය විසින් එල්ල කළ ඩ්‍රොන ප්‍රහාරයකින් මියගොස් ඇති බව වාර්තා වෙයි.
අදාළ සිද්ධිය ඝාතනයක් ලෙස සඳහන් කරන අල්ජසීරා මාධ්‍ය ආයතනය පෙන්වා දෙන්නේ මේ සම්බන්ධයෙන් ජාත්‍යන්තර අධිකරණයේ අපරාධ නඩුවක් ගොනු කිරීමට තීරණය කර ඇති බවය.
විදෙස් වාර්තා පවසන්නේ මෙම මරණයත් සමඟ අල්ජසීරා ආයතනයේ මාධ්‍යවේදීන් 13 දෙනෙකු සිය රාජකාරී කටයුතුවල නිරත වෙමින් සිටිය දී මියගොස් ඇති බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
