සටහන – රෂිකා හෙන්නායක
කොළඹ (LNW): ඊයේ (22) අලුයම ඩුබායි සිට පැමිණි ඉන්දීය ජාතික කාන්තාවක් සතුව තිබී රත්‍රන් කිලෝග්‍රෑම් 5යි ග්‍රෑම් 500ක් සමග රේගු මත්ද්‍රව්‍ය පාලන අංශය මගින් අත්අඩංගුවට ගත්තාය.
රුපියල් කෝටි 12ක් වටිනා රත්‍රන් තොගයක් නීතිවිරෝධීව මෙරටට රැගෙන ඒමේදී අත්අඩංගුවට ගැනීමෙන් පසු ඉන්දීය ජාතික කාන්තාවට රුපියල් කෝටි 11කට අධික දඩයක් නියම කළ බව රේගු මාධ්‍ය ප්‍රකාශක සීවලී අරුක්ගොඩ මහතා කියා සිටී.
කෙසේ වෙතත් එම දඩ මුදල ඇය විසින් එම අවස්ථාවේදීම ගෙවීමට පියවර ගත් බවද රේගු මාධ්‍ය ප්‍රකාශකවරයා පවසයි.
පසුව එම රත්‍රන් තොගය රාජසන්තක කිරීමට රේගු දෙපාර්තමේන්තුව පියවර ගෙන ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
