කොළඹ LNW:වර්ෂාව සමග ඉන්ෆ්ලුවෙන්සා රෝගයේ වැඩිවීමක් සිදුවී ඇති බැවින් ඒ පිළිබඳව සැලකිලිමත් වන ලෙසත් රෝගය වැළඳුන ඇතැම් අයට දින දෙක තුනකට කටහඬ නැතුව යාමේ අවධානමක්ද පවතින බව කලුබෝවිල ශික්ෂණ රෝහලේ කායික රෝග පිළිබද විශේෂඥ වෛද්‍ය නන්දන දික්මාදුගොඩ මහතා පවසයි.
පසුගිය කාලයේ පැවති දීර්ඝ වැසි සහිත කාලගුණය ගෙතුවෙන් මෙම වෛරස් රෝගී තත්ත්වය වැඩි වී තිබෙන බවයි දික්මාදුගොඩ මහතා සඳහන් කරන්නේ.
මෙය වේගයෙන් පැතිරයමින් තිබෙන හෙයින් දීර්ඝ කාලීනව රෝග තත්ත්වය පවතින්නේ නම් සැලකිලිමත්වන ලෙසයි ඔහු අවධාරණය කරන්නේ.
”මේ සදහා ප්‍රතිජීවක ඖෂධ ලබාදෙනවා දැක්කා. මෙය කිසි සේත් නොකළ යුතුයි. මේ නිවාඩු කාලයේ අපි ගමන් බිමන් යමවා. මේක බෝවන්නේ වාතයෙන්. අපි කොවිඩ් තත්ත්වයේදී පිලිපැදිය හොද පුරුදු ක්‍රියාමාර්ග යළි අනුගමනය කරන්න.අවධානම් කලාපවල ඉන්න පිරිස් විශේෂ සැලකිල්ලක් දැක්විය යුතුයි. ඉල්ෆ්ලුවෙන්සා වගේම ඩෙංගුත් පැතිරෙමින් යනවා. දැනට වාර්තාවෙලා තියෙන රෝගී 87000න් 17000ක්ම බස්නාහිර පළාතෙන් වාර්තා වෙන්නේ. ඕනෑම උන රෝගයක් ඩෙංගු සේ සලකන්න. නැත්නම් උත්සන්න වූ විට අවධානම් වෙන්න පුලුවන්.” යනුවෙන් ඔහු වැඩිදුරටත් ප්‍රකාශ කරයි.
ASK
