සශිකලා මධුෂාණි
ලෝකය (අවුට්බවුන්ඩ් ටුඩේ): උත්තරීතර නායක අයතුල්ලා අලි කමේනිට පසුව ඉරානයේ බලවත්ම පුද්ගලයා ලෙස සොලෙයිමානි සැලකේ.
ඉරාන ජෙනරාල් කාසෙම් සොලෙයිමානි ඝාතනයට ලක්ව සිව්වන සංවත්සරය සමරණ අවස්ථාවේදී ඔහුගේ සොහොන අසල සිදු වූ පිපිරීම් දෙකක් හේතුවෙන් අවම වශයෙන් පුද්ගලයින් 73 දෙනෙකු මිය ගොස් 171 දෙනෙකු තුවාල ලබා ඇති බව ඉරාන රාජ්‍ය මාධ්‍ය වාර්තා කර තිබේ.
උත්තරීතර නායක අයතුල්ලා අලි කමේනිට පසුව ඉරානයේ බලවත්ම පුද්ගලයා ලෙස සැලකෙන සොලෙයිමානි හිටපු ජනාධිපති ඩොනල්ඩ් ට්‍රම්ප්ගේ නියෝගයෙන් වසර හතරකට පෙර බැග්ඩෑඩ් ජාත්‍යන්තර ගුවන්තොටුපළේදී එක්සත් ජනපද ගුවන් ප්‍රහාරයකින් මිය ගියේය.
ජෙනරාල් සොලෙයිමානි සැමරීමේ උත්සවයක කොටසක් ලෙස බදාදා සිය ගණනක් මිනිසුන් සොහොන් දෙසට ඇවිද ගොස් ඇති අතර එහිදී මෙම පිපුරුම් වලට හසුව තිබේ.
විප්ලවවාදී ආරක්ෂකයින්ගේ විදේශීය මෙහෙයුම් අංශය වන කුඩ්ස් බලකායේ අණදෙන නිලධාරියා ලෙස කලාපය පුරා ක්‍රියාත්මක වන සොලෙයිමානි හමාස් සහ හිස්බුල්ලා ඇතුළු මිත්‍ර ආන්ඩු සහ සන්නද්ධ කණ්ඩායම් සඳහා Quds Force හි රහසිගත මෙහෙයුම් සහ එහි මාර්ගෝපදේශනය, අරමුදල්, ආයුධ, බුද්ධිය සහ සැපයුම් සහය සැපයීම ඔහු භාරව කටයුතු කරන ලදී.
මෙම පිපිරීම් සම්බන්ධයෙන් ඉරානයේ දේශපාලන සහ ආරක්ෂාව පිළිබඳ නියෝජ්‍ය ආණ්ඩුකාරවරයා ප්‍රකාශ කර තිබුණේ, සිද්ධිය ගෑස් පිපිරීමක් හෝ ත්‍රස්ත ප්‍රහාරයක් නිසා සිදුවූවක්ද යන්න පැහැදිලි නොවන බවයි.
