සටහන – රෂිකා හෙන්නායක
ජනවාරි 08 කොළඹ (LNW): අද (08) සෞඛ්‍ය ප්‍රවර්ධන කාර්යංශයේදී පැවති මාධ්‍ය හමුවකට එක් වෙමින්, සරම්ප එන්නත් අමතර මාත්‍රාව ලබාදීමේ වැඩසටහනේ සියයට 83ක ප්‍රගතියක් ලබා ගෙන ඇති බව සෞඛ්‍ය අමාත්‍යංශයේ ලේකම් විශේෂඥ වෛද්‍ය පාලිත මහීපාල මහතා පවසයි.
එහිදී පාලිත මහීපාල මහතා කියා සිටියේ, ළමයින් 30,455ක් ආවරණය කිරීමට බලාපොරොත්තු වූ බවත් ඉන් 25,286ක් ආවරණය වී ඇති බවයි.
තවදුරටත් ඔහු පැවසූවේ , යම් යම් ප්‍රදේශවල කුඩා ළමුන්ට සෙම්ප්‍රතිශ්‍යාව, උණ සෑදීම ආදී රෝගී තත්ත්වයන් නිසා 5000ක පමණ ප්‍රමාණයක් පැමිණීමේ අඩුවක් දක්නට තිබුණු බවයි.
කෙසේ වෙතත් ප්‍රතිශක්තීකරණ වැඩපිළිවෙලට අනුගත නොවී එන්නත් අනවශ්‍ය යැයි සිතන මාස 09ත් අවුරුදු 15ත් අතර 4194 දෙනෙකු හඳුනාගත් බවත්, ඉන් 801 දෙනෙකු පසුගිය සෙනසුරාදා එන්නත් ලබාගෙන තිබුණු බවද ඔහු කියා සිටී.
ඉදිරි සති 03හි සෙනසුරාදා දිනවල ප්‍රධාන සායනවල අතිරේක සරම්ප එන්නත් මාත්‍රාව ලබාදීමට කටයුතු කරන බව සෞඛ්‍ය අමාත්‍යංශයේ ලේකම් විශේෂඥ වෛද්‍ය පාලිත මහීපාල මහතා පවසා සිටී.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
