සටහන – රෂිකා හෙන්නායක
ජනවාරි 10 කොළඹ (LNW): නාය යෑමක් හේතුවෙන් මාර්ගය ඊයේ (09) රාත්‍රියේ බදුල්ල – කොළඹ ප්‍රධාන මාර්ගය හාලිඇළ උඩුවර හතේ කණුව ප්‍රදේශයෙන් අවහිර වී ඇත.
තවද, මහවැලි ගගේ ජල මට්ටම ඉහළ යාමත් සමග පොළොන්නරුව – මඩකලපුව මාර්ගයේ මනම්පිටිය ගල්ලෑල්ල අතර කොටස නැවත දැනුම් දෙනතුරු වසා දමා ඇති අතර, ජනතාවගේ ගමන් පහසුව සඳහා විශේෂ දුම්රිය සේවාවක් ද ක්‍රියාත්මක බව, ආපදා කළමනාකරණ මධ්‍යස්ථානය ප්‍රකාශ කළේය.
එසේම වාරිමාර්ග දෙපාර්තමේන්තුවේ ජලාශ 50 කට පමණ ආසන්න සංඛ්‍යාවක් වර්ෂාවත් සමග වාන් දමමින් පවතින බව වාරිමාර්ග දෙපාර්තමේන්තුව සදහන් කළේය. එහි ජල කලමනාකරණ අධ්‍යක්ෂ සුදර්ශනී විදානපතිරණ මහත්මිය සඳහන් කළේ, සෙසු ජලාශ ද වාන් මට්ටමට පැමිණ ඇති බවයි.
වාරිමාර්ග දෙපාර්තමේන්තුව පැවසූවේ, සේනානායක සමුද්‍රයේ වාන් දොරටු 5 ක් සම්පුර්ණයෙන් විවෘත කර ඇති අතර ඉන් තත්පරයට ඝන අඩි 5200 ක් පහළ ප්‍රදේශවලට ප්‍රදේශවලට මුදාහරින බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
