සටහන – රෂිකා හෙන්නායක
ජනවාරි 14 කොළඹ (LNW): කුඩා දරුවන් සඳහා ලබාදෙන ආහාරවල අඩංගු ඇෆ්ලටොක්සින් ප්‍රතිශතය සංශෝධනය කිරීමට රජය උත්සාහ දරමින් සිටින බව මහජන සෞඛ්‍ය පරීක්ෂකවරුන්ගේ සංගමය පවසයි.
එවැනි ක්‍රියාමාර්ගයක් ගත හොත් එය දරුවන්ගේ සෞඛ්‍යයට බරපතළ තර්ජනයක් වනු ඇති බව එහි භාණ්ඩාගාරික රෝෂන් කුමාර මහතා සඳහන් කළේය.
කොළඹ පැවති මාධ්‍ය හමුවකට එක්වෙමින් මහජන සෞඛ්‍ය පරීක්ෂකවරුන්ගේ සංගමයේ භාණ්ඩාගාරික රෝෂන් කුමාර මහතා මේ බව සඳහන් කර සිටියේය.
2023 නොවැම්බර් 21 වන දින, අමාත්‍ය මණ්ඩලය විසින් දේශීය ආහාර අතිරේක වැඩසටහන් සඳහා අවසර ලත් Aflatoxin මට්ටම් වෙනස් කිරීමට තීරණයක් ගන්නා ලදී.
Aflatoxin හි අවසර ලත් මට්ටම්වල මෙම ගැලපීම මූලික වශයෙන් අමාත්‍යාංශය විසින් පාලනය කරනු ලබන මාතෘ හා ළමා සෞඛ්‍ය වැඩසටහනේ කොටසක් වන ත්‍රිපෝෂ වැඩසටහනට අදාළ වේ.
1980 අංක 26 දරන ආහාර පනත යටතේ පවතින රෙගුලාසිවල දක්වා ඇති දැඩි ඇෆ්ලැටොක්සින් සීමාවන් හේතුවෙන් ත්‍රිපෝෂ නිෂ්පාදනය සඳහා බඩ ඉරිඟු ලබා ගැනීමේදී සෞඛ්‍ය අමාත්‍යාංශය මුහුණ දෙන අභියෝගය අනුව මෙම යෝජනාව ඉදිරිපත් කළේය.
මෙම ගැටළුව විසඳීම සඳහා ජාත්‍යන්තරව පිළිගත් ආහාර අතිරේක සඳහා පනවා ඇති Aflatoxin සීමාවන් (B1 වර්ගය සඳහා 5ppb සහ සම්පූර්ණ Aflatoxin සඳහා 10ppb) දේශීය ආහාර අතිරේක වැඩසටහන් සඳහා යෙදිය යුතු බවට එහිදී යෝජනා විය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
