සටහන – රෂිකා හෙන්නායක
ජනවාරි 23 කොළඹ (LNW): උඩරට දුම්රිය මාර්ගයේ රක්ෂිතයක ගින්නක් හට ගෙන ඇති බව වාර්තා වෙයි.
මෙම ගින්න සිඝ්රයෙන් පැතිර යමින් පවතින බව ද ප්රදේශීය වාර්තාකරුවන් සඳහන් කරයි.
හැටන් සහ රොසැල්ල දුම්රිය ස්ථාන දෙක අතර පිහිටි ස්තැඩන් වත්ත ප්රදේශයෙන් අද (23) පස්වරු 3 ට පමණ හටගෙන ඇති මෙම ගින්න උඩරට දුම්රිය මාර්ගයේ 106 ½ සැතපුම් කණුව අසලටම පැතිර ගොස් තිබුණු බව වාර්තා වේ.
හැටන් පොලිසිය සැකකරන්නේ, ඉලුක් සහිත එම රක්ෂිතයට කිසියම් පිරිසක් ගිනි තබන්නට ඇති බවටයි .
හැටන් පොලිස් කොට්ඨාශභාර පොලිස් අධිකාරි නිපුණ දෙහිගම මහතා ජනතාවගෙන් ඉල්ලා සිටින්නේ, මධ්යම කදුකරයේ බටහිර බැවුම් වල පවතින අධික වියළි කාලගුණයත් සමග රක්ෂිත වලට ගිනි තබන පුද්ගලයන් පිලිබදව තොරතුරු වෙතොත් ඒ පිලිබදව ළගම ඇති පොලිස් ස්ථානය දැනුවත් කරන ලෙසයි.
