සටහන – රෂිකා හෙන්නායක
පෙබරවාරි , 03 කොළඹ (LNW): බොහෝ පෞද්ගලික රෝහල් සහ වෛද්‍ය ආයතන සේවා ගාස්තු සම්බන්ධයෙන් මිල ප්‍රදර්ශනයක් නොකරන බවට පැමිණිලි ලැබීම හේතුවෙන්, පෞද්ගලික රෝහල් සහ වෛද්‍ය ආයතන සිය ගාස්තු අය කරන ආකාරය වහාම ප්‍රදර්ශනය කරන ලෙස පෞද්ගලික වෛද්‍ය නියාමන සභාව සියලුම පෞද්ගලික රෝහල්වලට සහ වෛද්‍ය ආයතනවලට ලිපියකින් දැනුම් දී ඇත.
සමහර වෛද්‍ය ආයතන හිතූ හිතූ මිල ගණන් අය කරන බවට චෝදනා එල්ල වී ඇත.
තවද, රෝගීන්ට ප්‍රතිකාර කර අවසානයේදී අතිවිශාල බිල්පත් ඉදිරිපත් කරමින් බලහත්කාරයෙන් මුදල් ලබා ගැනීමේ අවස්ථාද වාර්ථා වේ.
