සටහන – රෂිකා හෙන්නායක
පෙබරවාරි , 06 කොළඹ (LNW): තම ගැටලු සම්බන්ධයෙන් මුදල් අමාත්යාංශය සමග පැවැත්වූ සාකච්ඡා වල පළමු පියවර සාර්ථකව අවසන් වූ බව සෞඛ්ය වෘත්තිය සමිති පවසයි.
සෞඛ්ය වෘත්තීය සමිති සන්ධානයේ කැඳවුම්කරු රවී කුමුදේශ් මහතා පැවසුවේ, ඒ අනුව සෞඛ්ය සේවයට අනුබද්ධ වෘත්තීය සමිති 72 ක් එක්ව හෙට (7) දිනයේ කැඳවීමට තිබූ සංඛේත වැඩ වර්ජනය තාවකාලිකව අත්හිටුවන බවයි.
මුදල් අමාත්යංශ ලේකම්වරයා සහ සෞඛ්ය අමාත්යාංශ ලේකම්වරයාගේ ප්රධානත්වයෙන් පැවැති මෙම හමුවේදී තම ගැටළු සම්බන්ධයෙන් ඉදිරි ක්රියාමාර්ග ගැනීමට ව්යුහාත්මක විසඳුමක් සඳහා නිල කමිටුවක් පත් කළ බවත් ඔහු සඳහන් කළේය.
කුමුදේශ මහතා තවදුරටත් කියා සිටියේ, සෞඛ්ය අමාත්යාංශයේ සහ මුදල් අමාත්යංශයේ නිලධාරීන්ගේ ප්රධානත්වයෙන් පත් කළ එම නිල කමිටුව සඳුදා රැස්වීමට නියමිත බවත්, ඒ අනුව සෞඛ්ය වෘත්තීය සමිති වර්ජනය ලබන අඟහරුවාදා තෙක් තාවකාලිකව අත් හිටුවන බවයි.
