සටහන – රෂිකා හෙන්නායක
පෙබරවාරි , 15 කොළඹ (LNW): පාර්ලිමේන්තු මන්ත්‍රී නාමල් රාජපක්ෂ මහතා ඇතුලු කිහිපදෙනෙකුට එරෙහිව, පාර්ලිමේන්තු මන්ත්‍රීවරයෙකු ලෙස කටයුතු කරමින් අයථා ලෙස උපයා ගත් බව කියන රුපියල් මිලියන 15ක මුදලක් එන් ආර් කන්සල්ටන් නැමැති සමාගමක ආයෝජනය කිරීමෙන් මුදල් විශුද්ධිකරණය වැළැක්වීමේ පනත යටතේ පවරා ඇති නඩුව ලබන සැප්තැම්බර් 5 වනදා යළි කැඳවන ලෙසට අධිකරණය නියෝග කර ඇත.
මෙම පැමිණිල්ල කොළඹ ප්‍රධාන මහේස්ත්‍රාත් ප්‍රසන්න අල්විස් මහතා ඉදිරියේ අද කැදවා තිබුනු අතර, එහිදි විමර්ෂණ සිදුකළ අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ සිද්ධියට අදාළව ඉදිරි කටයුතු සදහා නීති උපදෙස් අපේක්ෂා කරන බවත් එම උපදෙස් මෙතෙක් ලැබී නැති බවත් ය.
