වමට දකුණට ළමා හා යොවුන් පොත් පෙළ ගැන කතා බහක්

සටහන – නිශ්මං රණසිංහ

පෙබරවාරි, 19 කොළඹ (LNW): ලාංකේය ළමා හා යොවුන් සාහිත්‍යය අනාගතය වෙනුවෙන් කරන හරවත් ආයෝජනයකි.නැණ,ගුණ සපිරි සංවේදී සහ නිර්මාණශීලි මෙන්ම විචාරශීලී පුරවැසියෙක් වෙනුවෙන් විය යුතු එම ආයෝජනය වෙනුවෙන් ප්‍රමාණාත්මක මැදිහත්වීමක් නොපෙනෙන වපසරියක,සමාජගත කෙරුණු ළමා හා යොවුන් සාහිත්‍යය කෘති එකොළහක් සම්බන්ධ සාකච්ඡාවක් පෙබරවාරි 21 දා පස්වරු 3.00 කොළඹ මහවැලි කේන්ද්‍රයේදී පැවත්වීමට නියමිතය.
වමට දකුණට ලෙස නම් කර ඇති මෙම ළමා හා යොවුන් සාහිත්‍යය කෘති පොකුර ගැන ආරාධිත දෙසුම පවත්වන්නේ සාහිත්‍යවේදී මහින්ද නාමල්ය.විශේෂත්වය වන්නේ මෙම කෘති සම්බන්ධයෙන් ඒවා කියවන ලද ළමා පාඨකයන්ගේ අදහස් දැක්වීමක්ද මේ සඳහා ඇතුළත් කර තිබීමය.

මෙම සොඳුරු අවස්ථාවට කතනයෙන් දායකවන්නේ සවනි ගයංගා ජයවීර ය.