ASK

හෙද හෙදියන් ලෙස සිදුකරන බඳවා ගැනීම වැඩිකර එම පුහුණුවෙන් පසු ඔවුන් විදෙස් රැකියා සඳහා යොමු කිරීමේ වැඩපිළිවෙලක් ආරම්භ කිරීමට කටයුතු කරන බව කම්කරු සහ විදේශ රැකියා අමාත්‍ය මනූෂ නානායක්කාර මහතා අද (25) පාර්ලිමේන්තුවේදී ප්‍රකාශ කළේය.

එක්ස්ප්‍රස් පර්ල් නෞකාවේ වන්දි මුදල අඩු කර ගැනීම සඳහා ඩොලර් මිලියන 250ක මුදලක් අල්ලස් ලෙස ශ්‍රී ලාංකිකයෙකු විසින් ලබා ගෙන ඇති බවට අධිකරණ අමාත්‍ය විජයදාස රාජපක්ෂ මහතා විසින් කරන ලද ප්‍රකාශය පාදක කරගෙන අද (24) සමඟි ජන බලවේගයේ පාර්ලිමේන්තු මන්ත්‍රීවරු තිදෙනෙක් විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කළේය.

ශ්‍රී ලංකා පොදුජන පෙරමුණ විසින් පසුගිය 22 වැනිදා පැවැත්වූ පක්ෂ මහා සභා රැස්වීමේ කිසිදු නීත්‍යානූකූලභාවයක් නොමැති බව පාර්ලිමේන්තු මන්ත්‍රී මහාචාර්ය ජී.එල්.පීරිස් මහතා පැවසුවේය.

අද අලුයම 12.45 හම්බන්තොට සිට ගිණිකොණ දෙසින් මුහුද ප්‍රදේශයේ 25.8km ක දුරින් රික්ටර් පරිමාණ 4.4 ක භූකම්පනයක් වාර්තා වී ඇති බවත් එමඟින් කිසිදු සුනාමි තත්ත්වයක් ඇතිවීමේ අවදානමක් නොමැති බවත් භූ විද්‍යා හා පතල් කාර්යාංශයේ ජ්‍යෙෂ්ඨ අධ්‍යක්ෂ භූ විද්‍යාඥ ආචාර්ය ස්ටෙරින් ප්‍රනාන්දු මහතා ප්‍රකාශ කරයි.

ආණ්ඩුවේ හැසිරීම යහපත් නොවීම නිසා කිසිලෙසකින්වත් ආණ්ඩුවට ආයෝජන නොපැමිණෙන අතර රටේ දේපල පවරා ගනිමින් ණය නම් ලැබෙනු ඇති බව සමඟි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා පවසයි.