ASK

ජන්දය භාවිතා කිරීමේ මූලික මිනිස් අයිතිවාසිකම අනිවාර්යයෙන් ජනතාවට ලැබිය යුතුවන හෙයින් පළාත් පාලන මැතිවරණය පැවැත්විය යුතු වන බව කතෝලික සභාව වෙනුවෙන් ආචාර්ය සිරිල් ගාමිණී පියතුමා අවධාරණය කරයි.

උද්ඝෝෂණ කිරිමෙයිතිය ජනතාවට තිබුණද ආර්ථිකය කඩාකප්පල් කරන, ජන ජීවිතය කඩාකප්පල් කරන උද්ඝෝෂණ මැඩපැවැත්වීමේ වගකීම ආණ්ඩුවට තිබෙන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ඩී.වීරසිංහ මහතා පවසයි.

පළාත් පාලන මැතිවරණය පැවැත්වීමට ජනාධිපතිවරයාට අවශ්‍යතාවක් නැති අතර මැතිවරණ කොමිසමද කටයුතු කරනුයේ දෙකට දෙවාරනේට බව පාර්ලිමේන්තු මන්ත්‍රී පාඨලී චම්පික රණවක මහතා පැවසුවේය.

පොලිස් නිලධාරීන් තමන්ගේ රාජකාරිය අභිබවා ගොස් ආණ්ඩුවේ හොර මැරකම් රකින්න කටයුතු කරන්නේ නම් එවැනි නිලධාරීන්ට ඉදිරියේදී වන්දි ගෙවීමට සිදුවනු ඇති බව සමඟි ජන බලවේගයේ පාර්ලිමේන්තු මන්ත්‍රී චමින්ද විජේසිරි මහතා පැවසුවේය.

අන්තර් විශ්ව විද්‍යාල ශිෂ්‍ය බල මණ්ඩලය විසින් ඊයේ දින සංවිධානය කර තිබුණු විරෝධතා පාගමනට කොළඹ විශ්ව විද්‍යාලය ඉදිරිපිටදී සහ විශ්ව විද්‍යාලය අභ්‍යන්තරයට පැමිණ පොලීසිය විසින් එල්ල කළ ප්‍රහාරයට විරෝධය පළකරමින් අද කොළඹ විශ්ව විද්‍යාලයේ මහා ශිෂ්‍ය සංගමය විසින් විරෝධතාවක් සංවිධානය කර තිබුණි.