ASK

මූල්‍ය චෝදනා ලැබ මේ වන විට රක්ෂිත බන්ධනාගාරගතව සිටින තිළිණි පියුමාලි නමැත්තිය වෙත තමන්ගේ ජීප් රථයක් ලබා දී ඇති බවට ජනතා විමුක්ති පෙරමුණේ වසන්ත සමරසිංහ මහතා නගන චෝදනාව අසත්‍ය බවත් තමන් සිය ජීප් රථය ලබා දුන්නේ තිළිණි පියුමාලිට නොව කොළඹ මහ නගර සභාවේ නාගරික මන්ත්‍රීවරියක වන ප්‍රියංකා ජයසේකරට බව පූජ්‍ය මුරුත්තෙට්ටුවවේ ආනන්ද ස්වාමීන් වහන්සේ පැවසූහ.

රනිල් වික්‍රමසිංහ මහතා එදත් අදත් මැතිවරණ වලට බිය කෙනෙක් වන අතර මැතිවරණ නොපැවැත්වීම මඟින් ඔහුගේ සහ පොහොට්ටුවේ ජයග්‍රහණය තහවුරු කරගත හැකි බවට හීන දකිමින් සිටින බව සමඟි ජන බලවේගයේ පාර්ලිමේන්තු මන්ත්‍රී චමින්ද විජේසිරි මහතා පැවසුවේය.

පවතින වර්ෂාපතන තත්ත්වය කොළඹ,ගම්පහ,කළුතර සහ ගාල්ල වැනි දිස්ත්‍රික්ක වලට ලැබෙමින් පවතින හෙයින් එම දිස්ත්‍රික්ක වල නාගරික ප්‍රදේශවල ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුවේ ජල විද්‍යා හා ආපදා කළමනාකරණ අංශයේ වාරිමාර්ග අධ්‍යක්ෂ එස්.පී..සී.සුගීෂ්වර මහතා පවසයි.

ඉදිරි මාස කිහිපය තුළ මැතිවරණ කිසිවක් නොපැවැත්වෙන අතර ජාතිය ස්ථාවර කිරීමේ ප්‍රතිපත්ති රාමුවක් සකස් කිරීමෙන් අනතුරුව මැතිවරණ මාලාවක් පවත්වන බව එක්සත් ජාතික පක්ෂ පාර්ලිමේන්තු මන්ත්‍රී වජිර අබේවර්ධන මහතා පවසයි.

මූල්‍ය වංචා චෝදනා ලැබ මේ වන විට රක්ෂිත බන්ධනාගාරගතව සිටින තිළිණි පියුමාලි නමැත්තිය සභාපති ධූරය දරන තිකෝ සමූහ ව්‍යාපාරයේ මාධ්‍ය විශේෂඥයින් වන සුරංගි කොඩිතුවක්කු සහ ධනංජය සෙනෙවිරත්න අද (13) අපරාධ පරීක්ෂණ දෙපාර්තමේන්තුව වෙත කැඳවා තිබුණි.