UN

ඊයේ පැවති පිලිපීන ජනාධිපතිවරණයෙන් විශිෂ්ට ජයත් අත්පත් කර ගැනීමට බොන්ග්බොන්ග් මාකෝස් ජූනියර් සමත් වී තිබෙනවා. ඔහු මිලියන 18 කට අධික පිලිපීනුවන්ගේ විස්වාසය දිනා ගැනීමට සමත් වී ඇති අතර ඔහුගේ ප්‍රතිවාදිනිය වූ හිටපු උප ජනාධිපති ලෙනී රොබ්‍රේඩෝට ලබා ගැනීමට හැකිව තිබෙන්නේ ඡන්ද මිලියන 8.5 ක් පමණි.

වීරකැටිය ප්‍රදේශයේදී සිදු වූ වෙඩි තැබීමකින් තරුණයන් දෙදෙනෙකු මියගොස් ඇති බව වාර්තා වේ.

මැදමුල රාජපක්ෂ කෞතුකාගාරයටද හානි සිදුකර ඇති බවයි වාර්තා වන්නේ.

අගමැති තනතුරින් ඉල්ලා අස් වූ මහින්ද රාජපක්ෂ මහතා රැඳී සිටින අරලියගහ මන්දිරය වටකළ අරගලකරුවන් තවමත් එහි රැඳී සිටිනවා. අරගලකරුවන් අරලියගහ මන්දිරයේ ගේට්ටු කඩා ඇතුළුවීමට උත්සාහ දරමින් සිටී.

ගෝඨා ගෝ ගම අරගල භූමිය වෙත රැස් වූ අරගලකරුවන් මේ වනවිට අරලියගහ මන්දිරය වටකර තිබෙනවා. ඒ අද ගෝඨා ගෝ ගම අරගලය වෙත එල්ල වූ ප්‍රහාරයට විරෝධය පළකිරීම සඳහායි.