විදෙස්

යුක්රේන ජනාධිපති වොලොදිමීර් සෙලෙන්ස්කි පවසන්නේ ඉදිරි පැය 24 තීරණාත්මක බවයි. බ්‍රිතාන්‍ය අග්‍රාමාත්‍ය බොරිස් ජොන්සන් මහතා සමග පැවති සාකච්ඡාවකදී ඔහු මේ බව සඳහන් කර තිබෙනවා.

රුසියානු ගුවන් යානා සඳහා ගුවන් තහනමක් පැනවීමට යුරෝපා සංගමය තීරණය කර තිබෙනවා. යුක්රේන ආක්‍රමණයට ප්‍රතිචාර දැක්වීමක් ලෙසයි මෙම තීරණයට එළඹ තිබෙන්නේ.

යුක්රේන ආක්‍රමණය හමුවේ ලොව ප්‍රබල රටවල් විසින් රුසියාවට එරෙහිව පැනවූ සම්බාධක හේතුවෙන් මේ වනවිට රුසියානු මුදල් ඒකකය වන රූබලයේ වටිනාකම දැවැන්ත ලෙස කඩාවැටෙමින් තිබෙනවා. දින කිහිපයක් තුළ රූබලයේ වටිනාකම 40% කින් පහත වැටී ඇති බවයි වාර්තා වන්නේ.

රුසියානු ප්‍රහාරයෙන් ලොව විශාලතම ගුවන්යානය AN-225 විනාශ වෙයි!

මේ වනවිට රුසියානු සෙබළුන් 4300 කට වැඩි පිරිසක් ඝාතනය කර ඇති බවට යුක්රේන වාර්තා තහවුරු කරයි. මීට අමතරව රුසියාවට අයත් ගුවන් යානා 27 ක්, හෙලිකොප්ටර් 26 ක්, යුද ටැංකි 146 ක් විනාශ කර ඇති බවද එම වාර්තා පවසනවා.