දේශපාලන පුවත්

ජාතික සත්වෝද්‍යාන දෙපාර්තමේන්තුවට අයත් පින්නවල අලි අනාථාගාරයේ උපත ලද අලි පැටවෙකු සඳහා වනජීවී රාජ්‍ය අමාත්‍ය විමලවීර දිසානායක මහතාගේ නමෙන් කොටසක් තැබීමට යෝජනා වී ඇති බව වාර්තා වේ.

ලබන වසරේ සිට කවුරුන් හරස් වුවත් එය නොසලකා තදබල තීන්දු තීරණ ගැනීමටත් කවර තත්වයක් මත හෝ එම තීන්දු ආපසු නොහැරවීමටත් ජනාධිපති ගෝඨාභය රාජපක්ෂ මහතා තීන්දු කර ඇති බව ප්‍රවාහන සේවා හා ප්‍රජා පොලිස් රාජ්‍ය අමාත්‍ය දිළුම් අමුණුගම මහතා පවසයි.

අග්‍රමාත්‍ය මහින්ද රාජපක්ෂ මහතා කැමති වුවත් අකමැති වුවත් ජීවත්ව සිටින තාක් දේශපාලනයේ රැඳී සිටීමට සිදුවන බව රාජ්‍ය අමාත්‍ය දිළුම් අමුණුගම මහතා පවසනවා. ඔහුට දේශපාලනයෙන් විශ්‍රාම ගැනීමට රටේ බහුතර ජනතාව කිසිසේත්ම ඉඩ නොතබන බවයි ඇමතිවරයා සඳහන් කරන්නේ.

ආණ්ඩුවේ සාමුහික තීරණයකට කිසිවෙකු හෝ විරුද්ධ වන්නේ නම් ඔවුන් කළයුතු හොඳම දේ ආණ්ඩුවෙන් ඉවත්වී එම විවේචනය ඉදිරිපත් කිරීම බව ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා අවධාරණය කරයි.

වත්මන් ආණ්ඩුවෙන් ඉවත්ව යෑමට තමන්ට, විමල් වීරවංශ මහතාට සහ උදය ගම්මන්පිල මහතාට කිසිදු අදහසක් නොමැති බව අමාත්‍ය වාසුදේව නානායක්කාර මහතා අවධාරණය කරයි.