Sponsored Article

වෙනදා කාරුණික ප්‍රියමනාප වදන් දෙඩූ බොහොමයක් අද වනවිට රළුපරළු, ප්‍රකෝපකාරී වදන් දොඩති..පුපුරා යාමට ආසන්න බැළුමක් සේ යන්තම් අතක් වැදුනද පුපුරති.. මේ අප්‍රසන්න වාතාවරණය මැද සාමකාමී බොහෝ දෙනා මුහුණු අඳුරු වළාවන් වැනිය.

විරෝධතා කොපමණ පැවතිය ද ඒවා නිසා තෙල් ලැබෙන්නේ නැත. ගෑස් ලැබෙන්නේ ද නැත. ඒවායින් සිදු වන්නේ රටට ලැබීමට නියමිත ඩොලර් ටිකත් අහිමි වීම පමණි. මිනිස්සු දැන් ඕනෑම දෙයකට පාරවල් හරස් කරති. එය එක්තරා මෝස්තරයක් බවට පත් වී ඇත. පසුගිය දින දෙක තුන තුළ ප්‍රධාන මාර්ග කිහිපයක් හරස් කොට ගමනාගමනයට බාධා සිදු කළහ. මංගල උත්සවයක මනාල යුවළ නැකතට අනුව රැගෙන යෑමට පැමිණි මංගල රථය උද්ඝෝෂකයන් විසින් ආපසු හරවා යවන ලදී. සදාචාරයක්, ශික්ෂණයක්, අනුකම්පාවක් උද්ඝෝෂකයන් අතර ඇත්තේම නැත. ගිලන් රථයකට ඉන්ධන ලබා දීමට ද උද්ඝෝෂකයෝ විරුද්ධ වෙති. අපේ සමාජය ගමන් කරමින් සිටින්නේ ඉතා නරක තැනකටය. මේවා නිවැරදි කර ගැනීමට අපොහොසත් වුවහොත් රට ගොඩ නැගීම බොරුය.

අද බොහෝ දෙනෙක් ගැටළුවක් ඇති වූ සැනින් පාරට බැස ජනතාවට හිරිහැර වන අයුරින් කටයුතු කරනු දැකගත හැකිය. නමුත් විය යුත්තේ එය නොවේ. රටේ තෙල් ගෑස් හිඟයක් පවතින විට රටේ ජනතාවට හිරිහැර වන ආකාරයෙන් මාර්ග වසා කෑකෝ ගැසීමෙන් එම ගැටළුවට විසඳුම් නොලැබේ. 2021 අපොස සාමාන්‍ය පෙළ විභාගය අද (23) සිට ආරම්භ වීමට නියමිතය. නමුත් රටේ තෙල් හිඟය නිසා විභාග කටයුතු වලටද බලපෑමක් එල්ල වියහැක. මේ පිළිබඳව සැලකිල්ලට ගෙන රජය විසින් විභාග රාජකාරී වලට සහභාගී වන නිලධාරීන්ට ඉන්ධන ලබාදීමේදී ප්‍රමුඛතාවය ලබා දීමට තීරණය කර තිබේ.

ආර්ථික අර්බුධය නිසාම ඇතිවුන දේශපාලන අර්බූධය… අප විසින්ම අනවශ්‍ය කලබලවීමක් සහ ඉක්මන්වීමක් නිසා ඉස්මතු කරගත් ව්‍යාකූලත්වයකි..එය ඉචිඦා භංගත්වයකට පත්වෙන සමාජයක සාමාන්‍යයෙන් ඇතිවෙන දෙයකි.කාටවත් චෝදනා කර වැඩක් නැත..

දේශීය කිරි ගොවියා නගාසිටුවීමට සහ එමඟින් කිරිපිටි ආනයනය අවම කිරීමට පසුගිය කාලය පුරාවටම විශාල වෙහෙසක් දරණු ලැබීය . නමුත් එය විශාල කාර්‍යභාරයකි.