Tag: චීනය

කොළඹ LNW:චීන කොමියුනිස්ට් පක්ෂයේ 20 වැනි මධ්‍යම කාරක සභාවේ 3 වැනි පූර්ණ සැසිය පසුගිය 15 වනදා ආරම්භ වූ අතර එය අද(18) අවසන් වුණා. එම සැසිය පැවැත්වුණේ චීන ජනාධිපති ෂී ජින් පිං මහතාගේ ප්‍රධානත්වයෙන්.

මෙහිදී චීන මාදිලියේ නවීකරණය අඛණ්ඩව ඉදිරියට ගෙන යාම සඳහා ප්‍රතිසංස්කරණ තවදුරටත් පුළුල් කිරීම පිළිබඳ යෝජනාව සම්මත කිරීම විශේෂත්වයක්.

මේ අයුරින් චීනය ප්‍රතිසංස්කරණ තවදුරටත් පුළුල් කිරීමේ මූලික අරමුණු වන්නේ චීන ලක්ෂණ සහිත සමාජවාදය අඛණ්ඩව වැඩිදියුණු කිරීම බවයි වාර්තා වන්නේ.

2035 වර්ෂය වනවිට සෑම ආකාරයෙන්ම උසස් ගුණාත්මකභාවයෙන් යුත් සමාජවාදී වෙළඳපොල ආර්ථිකයක් ගොඩනැඟීම චීනයේ අරමුණ බව ද මෙහිදී සඳහන් වුණා.

එහිදී ඉදිරිපත් කළ යෝජනාවේ දක්වා ඇති ප්‍රතිසංස්කරණ සැලසුම් 2029 වසරේ දී මහජන චීන සමූහාණ්ඩුව 80 වැනි සංවත්සරය සමරන අවස්ථාව වන විට සම්පූර්ණ කළ යුතු යැයි සඳහන් වූ බවයි චීන මාධ්‍ය සමූහය වාර්තා කරන්නේ.

දිනූෂි ධීරසිංහ

කොළඹ LNW:චීන කොමියුනිස්ට් පක්ෂයේ 20 වැනි මධ්‍යම කාරක සභාවේ 3 වැනි පූර්ණ සැසිය ඊයේ (15) ආරම්භ වුණා.

ඒ, චීන කොමියුනිස්ට් පක්ෂ මධ්‍යම කාරක සභාවේ මහලේකම්, ජනාධිපති ෂී ජින්පිං මහතාගේ ප්‍රධානත්වයෙන් බෙයිජිං අගනුවර දී.

මෙහිදී කොමියුනිස්ට් පක්ෂයේ මධ්‍යම කාරක සභාවේ තීරණ කෙටුම්පත ඉදිරිපත් කෙරුණා.

ප්‍රතිසංස්කරණ අංගසම්පූර්ණ ලෙස තවදුරටත් තහවුරු කරමින් චීන ලක්ෂණ සහිත නවීකරණය ඉදිරියට පවත්වාගෙන යාම පිළිබඳ වන එම කෙටුම්පත පිළිබඳ විශේෂ විග්‍රහයක් එහිදී චීන ජනාධිපතිවරයා සිදු කළ බව ද වාර්තා වනවා.

දිනූෂි ධීරසිංහ

කොළඹ LNW:චීනය සමග නේපාලයේ වෙළඳාම සැලකිය යුතු ලෙස ඉහළ ගොස් ඇති බව නේපාල මහ බැංකුව ඊයේ(10) නිවේදනය කළේය.

නේපාලයේ සමස්ත විදේශ වෙළඳාම පසුගිය කාල සීමාව තුළ පහත වැටුණද, වත්මන් මූල්‍ය වර්ෂයේ පසුගිය මාස 11 තුළ මෙම වර්ධනය අත් කර ගෙන ඇත.

නේපාල රාස්ත්‍රා බැංකු සංඛ්‍යාලේඛනවලට අනුව චීනය වෙත සිදු කරන ලද අපනයනය 57.7% කින් ඉහළ ගොස් තිබේ. ආනයනය රුපියල් බිලියන 272.81 දක්වා 34.8% කින් වර්ධනය විය.

2023-2024 අවසාන මාස 11 තුළ නේපාලය ඉන්දියාවෙන් සිදු කළ අපනයන හා ආනයන පිළිවෙලින් සියයට 4.5කින් සහ සියයට 3.1කින් පහත වැටී ඇත.

දිනූෂි ධීරසිංහ

කොළඹ LNW:8වැනි චීන-දකුණු ආසියා ප්‍රදර්ශනය එළඹෙන 23වැනිදා සිට 28වැනිදා දක්වා චීනයේ Kunming නගරයේ දී පැවැත්වීමට නියමිතයි.

චීන රාජ්‍ය මණ්ඩල ප්‍රවෘත්ති කාර්යාලය ඊයේ(9) මාධ්‍ය හමුවක් පවත්වමින් ඒ පිළිබඳව සඳහන් කළා.

මෙවර චීන-දකුණු ආසියා ප්‍රදර්ශනය මෙම වසරේ චීනය දකුණු ආසියා රටවල් සමග පවත්වන වැදගත්ම ආර්ථික හා වෙළඳ හුවමාරු ක්‍රියාකාරකමක් වන බව චීන වාණිජ උප ඇමති Li Fei මහතා එහිදී පැවසුවා.

එම ප්‍රදර්ශනය චීනය සහ දකුණු ආසියා රටවල් අතර ප්‍රතිපත්තිමය හුවමාරු වේදිකාවක් මෙන්ම ‍වෙළඳ භාණ්ඩ ගණුදෙනු වේදිකාවක් ද වනවා.

මේ වන විට එම ප්‍රදර්ශනයට එක් වීම සඳහා ව්‍යවසායන් 2000කට ආසන්න සංඛ්‍යාවක් අත්සන් තබා ඇති අතර ඉන් අඩකට ආසන්න ප්‍රමාණයක් දකුණු ආසියාවේ හා අග්නිදිග ආසියාවේ සියලුම රටවල් ආවරණය වන විදේශීය සමාගම් වන බවයි වාර්තා වන්නේ.

දිනූෂි ධීරසිංහ

කොළඹ LNW:ජපානය සහ පිලිපීනය ඒකාබද්ධ ප්‍රවේශ ගිවිසුමක් අත්සන් කර තිබෙන අතර මේ සම්බන්ධයෙන් චීන විදේශ අමාත්‍යාංශයේ ප්‍රකාශක Lin Jian මහතා චීනයේ ස්ථාවරය පැහැදිලි කර තිබෙනවා.

රටවල් අතර හුවමාරු සහ සහයෝගීතාව පවත්වා ගැනීමේදී කලාපයේ අනෙකුත් රටවල් අතර විශ්වාසය පළුදු නොවිය යුතු බවත් ඒ ඔස්සේ කලාපීය සාමය හා ස්ථාවරත්වය බිඳ නොදැමිය යුතු බවත්, කිසිදු පාර්ශ්වයකට ඉන් හානියක් සිදු නොවිය යුතු බවත් ඔහු සඳහන් කළා.

ආසියා පැසිෆික් කලාපයට හමුදා කඳවුරු අවශ්‍ය නොවන බව පැවසූ Lin Jian මහතා දෙවන ලෝක යුද්ධ සමයේදී, ජපානය පිලිපීනය ඇතුළු අග්නිදිග ආසියාතික රටවල් ආක්‍රමණය කර එම රටවල් යටත් විජිත බවට පත් කළ බව ද එහිදී ප්‍රකාශ කළ බවයි විදෙස් මාධ්‍ය වාර්තා කරන්නේ.

දිනුෂි ධීරසිංහ

කොළඹ LNW:ශැංහයි සහයෝගිතා සංවිධාන‍යේ සාමාජික රටවල රාජ්‍ය නායකයන්ගේ කෘත්‍යධිකාරි කවුන්සිලයේ 24 වැනි සැසිය ඊයේ (04) කසක්ස්ථානයේ අස්තානා අගනුවර දී පැවැත්විණි.

චීන ජනාධිපති ෂී ජින්පිං මහතා එහිදී පෙන්වා දුන්නේ ශැංහයි සහයෝගිතා සංවිධානය ස්ථාපිත කර ගත වූ වසර 23 ක් තුළ එහි සාමාජික රටවල් ගණන 10 ක් දක්වා වැඩි වී ඇති බවයි.

”මෙය මහාද්වීප 3 කට අයත් රටවල් 26 ක් සම්බන්ධ කර ඇත. වර්තමානයේ, විවිධ විපර්යාසයන්ට මුහුණදෙන ගෝලීය මානවයා ඓතිහාසික සංධිස්ථානයකට පැමිණ සිටියි. ඉතිහාසයේ නිරවද්‍යතාව සහ සාධාරණත්වය සහතික කරන මෙම සංවිධානය ලෝකයට සැබැවින් ම වැදගත්” වන බව ද ෂී ජින්පිං මහතා කියා සිටියේය.

”සීතල යුද මානසිකත්වයෙන් එල්ල වන තර්ජන හමුවේ සහයෝගයෙන් යුතුව තිරසර ආරක්ෂාව පිළිබඳ දැක්ම අනුගමනය කළ යුතු ය. සංවාද, සහයෝගිතාව සහ පොදු-ජයග්‍රාහී සංකල්පය තහවුරු කරමින් සංකීර්ණ අභියෝගවලටත්, වෙනස් වන ජාත්‍යන්තර රටාවන්ටත් මුහුණ දිය යුතු ය. විද්‍යා හා තාක්ෂණ අංශවලට ඍජුව බලපාන පරිදි ඇමරිකාව චීනයට එල්ල කරන නිරන්තර බාධා හමුවේ සංවර්ධන අයිතිවාසිකම් ආරක්ෂා කළ යුතුයි” යනුවෙන්ද ෂී ජින්පිං මහතා අවධාරණය කළේය. ‍

මේ අතර බෙදුම්වාදී බලවේග හමුවේ එක්සත්භාවය සහතික කළ යුතු බවද චීන ජනාධිපතිවරයා පවසා ඇත.

2024-2025 ශැංහයි සහයෝගිතා සංවිධානයේ වාරික සභාපතිත්වය චීනය වෙත පැවරීමට ද එහිදී තීරණය කෙරිණ. චීනය එම වගකීම දරන්නේ වසර 7 කට පසුව වීම විශේෂත්වයකි.

දිනූෂි ධීරසිංහ

කොළඹ LNW:කැස්පියන් මුහුද හරහා දිවෙන චීන-යුරෝපා අධිවේගී මාර්ගය විවෘත කිරීම අද (03) අද සිදු විය

ඒ චීන ජනාධිපති ෂී ජින් පිං මහතාගේ සහ කසකස්ථාන ජනාධිපති Kassym-Jomart Tokayev මහතාගේ ප්‍රධානත්වයෙනි.

සෘජු අධිවේගී මාර්ගයක් ඔස්සේ කැස්පියන් මුහුද ආශ්‍රිත වරායකට චීන වාහන ප්‍රවාහනය කෙරෙන පළමු අවස්ථාව මෙයයි.

චීනයේ සිට කැස්පියන් මුහුද හරහා ගමන් ගන්නා චීන-යුරෝපා භාණ්ඩ ප්‍රවාහන දුම්රිය වසර දෙකක කාලයක් තිස්සේ ප්‍රශස්ත අයුරින් ක්‍රියාත්මක වෙයි.

අධිවේගී මාර්ග, දුම්රිය හා ගුවන් මාර්ග සහ නල මාර්ග ඒකාබද්ධ කර ඇති, අන්තර් සම්බන්ධිත බහුවිධ ප්‍රවාහන සේවා මාදිලියක් මෙමගින් නිල වශයෙන් හඳුන්වා දී තිබීම ද මෙහි සුවිශේෂ කරුණකි.

දිනූෂි ධීරසිංහ

කොළඹ LNW:නේටෝ සංවිධානය තම රටේ අවශ්‍යතා සහ ආරක්ෂාව බරපතල ලෙස අභියෝගයට ලක් කර ඇති බව චීනය පවසනවා.

නේටෝ සංවිධානයේ මහලේකම් Jens Stoltenberg චීනයට අදාළව කර ඇති ප්‍රකාශ ප්‍රතික්ෂේප කරමින් චීන විදේශ අමාත්‍යාංශ ප්‍රකාශිකා Mao Ning මහත්මිය අද (2) පැවති ‍ මාධ්‍ය හමුවේ දී මේ බව පැවසුවා.

චීනයේ ක්‍රියාකාරකම් නේටෝ සංවිධානයේ ආරක්ෂාවට අභියෝගයක් වී ඇතැයි නේටෝව විශ්වාස කරන බව එම සංවිධානයේ මහලේකම්වරයා පසුගියදා පැවසූ බවට මාධ්‍ය වාර්තා පළවුණා.

රුසියාව මිසයිල සහ ඩ්‍රෝන යානා නිෂ්පාදනය කිරීම සඳහා චීනයෙන් දියුණු තාක්‍ෂණය ආනයනය කරන බවත්, චීනය දෙවැනි ලෝක යුද්ධයෙන් පසු යුරෝපයේ විශාලතම ගැටුමට ඉන්ධන සපයන බවට චීනයට චෝදනා එල්ලවෙනවා.

මේ සදහා ප්‍රතිචාර දක්වමින් චීනය පවසන්නේ චීනයට අභියෝග කරමින්, එහි දේශීය හා විදේශීය ප්‍රතිපත්ති විකෘති කරමින් චෝදනා කිරීමට කිවිටෙටකත් ඉඩනොදෙන බවයි.

දිනූෂි ධීරසිංහ

කොළඹ LNW:ඇමරිකාව සහ ඔස්ට්‍රියාව සමග පවත්වන යෝධ පැන්ඩා සංරක්ෂණ සහයෝගිතා ගිවිසුම් යළි ක්‍රියාවට නැංවීමට චීනය තීරණය කර තිබෙනවා.

ඒ අනුව ඔස්ට්‍රියාවේ Tiergarten Schönbrunn සත්වෝද්‍යානය සමග යෝධ පැන්ඩා සංරක්ෂණ සහයෝගිතා පිළිබඳ නව ගිවිසුමක් අත්සන් කළ බව චීන වනජීවී සංරක්ෂණ සංගමය නිවේදනය කළා. එසේම, “Yunchuan” සහ “Xinbao” නමැති යෝධ පැන්ඩාවුන් දෙදෙනෙකු ඇමරිකාවේ San Diego සත්වෝද්‍යානය වෙත පිටත් කිරීමත් සමග චීන-ඇමරිකානු යෝධ පැන්ඩා සංරක්ෂණ සහයෝගිතා යළි ආරම්භ වී ඇති බව ද එම සංගමය කියාසිටියා.

වසර 20 කට අධික කාලයක් තිස්සේ චීනය අදාළ සත්වෝද්‍යාන සමග යෝධ පැන්ඩා සංරක්ෂණ සහයෝගිතා පවත්වා තිබෙනවා. මෙම සංරක්ෂණ සහයෝගිතා ඔස්සේ එම සතුන්ගේ පැවැත්ම තවදුරටත් තහවුරු වනු ඇති බවටයි විශ්වාස කරන්නේ.

දිනූෂි ධීරසිංහ

කොළඹ LNW:Guam දූපතේ ‘වෙරළ සටන් බලකායක්’ ස්ථානගත කිරීම පිළිබඳ ඇමරිකාව සිදු කළ ප්‍රකාශය සම්බන්ධයෙන් චීනය සිය ප්‍රතිචාර දක්වා තිබෙනවා.

චීන ජාතිකාරක්ෂක අමාත්‍යංශයේ ඊයේ (27) පැවති මාධ්‍ය හමුවේදී චීන ජාතිකාරක්ෂක අමාත්‍යාංශ ප්‍රකාශක Wu Qian මහතා සඳහන් කළේ ඇමරිකානු හමුදාව ඉදිරියේ දී Guam දූපතේ ඇමරිකානු ‘වෙරළ සටන් බලකායක්’ ස්ථානගත කිරීමට අපේක්ෂා කරන බවයි.

එමෙන්ම චීනයේ ප්‍රහාරයන්ට මුහුණ දෙමින් ජපානය හා පිලිපීනය ඇතුළු සිය මිත්‍ර රටවල් ආරක්ෂා කිරීම එහි අරමුණ බවයි චීනය පවසන්නේ.

පදනම් විරහිත තර්ජන හේතු කොට ගෙන ඇමරිකාව ආසියා ශාන්තිකර කලාපයට සිය හමුදාව යෙදවීමට උත්සහ කරන බවත්, කලාපයේ ගටලු උත්සන්න කිරීම ඇමරිකාවේ අරමුණ බවත් චීනය පවසනවා.

ඇමරිකාව මෙලෙස ප්‍රකෝපකාරී ක්‍රියා සිදු කරන්නේ නම් චීනය ද ඊට ප්‍රතිප්‍රහාර එල්ල කිරීමට සූදානම් බවයි චීනය වැඩිදුරටත් අවධාරණය කරන්නේ.

දිනූෂි ධීරසිංහ