Thursday, September 29, 2022
spot_img
spot_img

Latest Posts

දෙහිවල මුහුදේ කරදිය කිඹුලකුට හසුවූ පුද්ගලයකු මියයයි! (VIDEO)

අද (03) දින දෙහිවල ප්‍රදේශයේ මුහුදු සීමාවේ කිමිඳුම් කරමින් සිටි පුද්ගලයකු කිඹුලකුට හසුව මිය ගිය බවට වාර්තා වෙයි.

මරණයට පත්ව ඇත්තේ 52 හැවිරිදි තිදරු පියෙකු වන අතර, දෙහිවල මුහුදේ කිමිඳුම් කරමින් සිටියදී කිඹුලකුගේ ප්‍රහාරයට ලක්ව ඇති බවට පොලීසිය පවසයි.

ප්‍රහාරයෙන් තුවාල ලැබූ පුද්ගලයා කළුබෝවිල ශික්ෂණ රෝහලට ඇතුළත් කර ඇති අතර ඒ වන විටත් ජීවිතක්ෂයට පත්ව ඇති බවට වාර්තා වේ.

ප්‍රහාරය දියත් කර තිබෙන්නේ කරදිය කිඹුලකු විසින් වන අතර, මේ වන විට අත්තිඩිය වනජීවී කාර්යාලයේ නිලධාරීන් පිරිසක් විසින් මෙම සත්ත්වයා ඇල්ලීම සඳහා සෝදිසි මෙහෙයුම් දියත් කර ඇති බවට වාර්තා වෙයි.

ප්‍රහාරය එල්ල කළ කිඹුලා අඩි 14ක් පමණ දිගැති සත්ත්වයකු බවයි සිදුවීම ඇසින් දුටුවන් පැවසූයේ.

කිඹුල් ප්‍රහාරයෙන් මරණයට පත් පුද්ගලයා සමඟ කිමිදුම්කරුවන් කිහිපදෙනෙකුම මුහුදු සීමාවේ සිට ඇති අතර, ප්‍රහාරය සිදුවූ මොහොතේ අනෙකුත් කිමිඳුම්කරුවන් ඔවුන් රැගෙන ආ බෝට්ටුව වෙත ඔසවා තබා ඔවුන්ගේ දිවි ගලවා ගැනීමට අසල ධීවරයන් සමත්ව ඇත.

MIAP

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.