Sunday, January 29, 2023
spot_img

Latest Posts

රජයේ වියදම් දැඩි ලෙස සීමා කරනවා – සියඹලාපිටිය

නව වසරේදී රජයේ වියදම් දැඩි ලෙස සීමා කිරීමට කටයුතු කරන බව මුදල් රාජ්‍ය ඇමැති ආචාර්ය රංජිත් සියඹලාපිටිය මහතා ප්‍රකාශ කරයි.

වසර 2022 සිදු කළ පරිද්දෙන්ම රජයේ වියදම් දැඩි ලෙස සීමා කිරීමට නව වසරට අදාළව මුදල් අමාත්‍යාංශයේ ලේකම් කේ.එම්. මහින්ද සිරිවර්ධන මහතා නිකුත් කළ චක්‍රලේඛය ජනවාරි 01 දා සිට බලාත්මක වන බවද සියඹලාපිටිය මහතා සිය ට්විටර් ගිණුමේ සටහනක් තබමින් කියා සිටියේය.

රජයේ ආයතන මඟින් සිදු කරන වියදම් අත්හිටුවීමට අදාළව නිකුත් කළ චක්‍රලේඛය මේ වසරේදී ක්‍රියාත්මක කෙරෙනු ඇත. වසර 2023 තුළ වියදම් දැරීම සඳහා බලය දීම සහ රජයේ වියදම් කළමනාකරණය මැයෙන් මේ නව චක්‍රලේඛය නිකුත් කර තිබේ.

ඒ අනුව නව වසරට රජයේ ආයතන, වාර්ෂික අය-වැය ඇස්තමේන්තුව මඟින් වෙන් කර දී ඇති ප්‍රතිපාදන සීමාවන් නොඉක්මවන පරිදි වියදම් කළමනාකරණය කරගත යුතුය. එහි වගකීම නිලධාරීන් විසින් තරයේ ඉටු කළ යුතු බව රජය අවධාරණය කර තිබේ.

පවතින අර්බුදකාරී වාතාවරණය හේතුවෙන් 2023 වසරේදී රජයේ වියදම් දැරීම අන් කවරදාකටත් වඩා විචක්ෂණශීලිව කළ යුතු බව මුදල් අමාත්‍යාංශය නිකුත් කළ නව චක්‍රලේඛයේ සඳහන් වේ.

නව වසරේදී රජයේ වියදම් දැඩි ලෙස සීමා කිරීමට කටයුතු කරන බව මුදල් රාජ්‍ය ඇමැති ආචාර්ය රංජිත් සියඹලාපිටිය මහතා ප්‍රකාශ කරයි.

රෂිකා හෙන්නායක

Latest Posts

spot_img
spot_img

Don't Miss

Stay in touch

To be updated with all the latest news, offers and special announcements.