කොළඹ LNW:එළඹෙන ජනාධිපතිවරණය සඳහා ජනාධිපති රනිල් වික්‍රමසිංහ මහතා ඉදිරිපත්වන බව එක්සත් ජාතික පක්ෂයේ මහ ලේකම් පාලිත රංගේ බණ්ඩාර මහතා පවසයි.
ජනාධිපතිවරයා ගත් තීරණ ක්‍රියාත්මක වීම නිසා වසර 25ක ට පසු රටේ ජාතික ආදායම වැඩිවී ඇති බවයි මහ ලේකම්වරයා පවසන්නේ.
ඉන් ජනතාවට සහන ලබාදිය හැකි බව ඔහු කියා සිටියි. ජනතාව පෝලීම්වල සිටියදී රට භාර ගන්නා ලෙස ඉල්ලීම් කරද්දී පැන ගොස් නැවත රටේ බලය ඉල්ලා විවිධ දේ ප්‍රකාශ කරමින් ජනතාව නොමඟ යැවීමට ඇතැමුන් කටයුතු කරමින් සිටින බවද ඔහු සඳහන් කරයි.
බංකොලොත් වූ ආර්ථිකය හැදීමට නම් ඒ සඳහා දුක්විඳින අය එකතු විය යුතු අතර ආදායම සහ ආර්ථිකය ශක්තිමත් වූ පසුව වැට් පවත්වාගෙන යාමේ අවශ්‍යතාවයක් නැති බවයි රංගේ බණ්ඩාර මහතා වැඩිදුරටත් පවසන්නේ.
ASK
