ප්‍රශ්නගත කාබනික පොහොර නෞකාව අයත් චීන පොහොර සමාගමට ඇමරිකානු ඩොලර් මිලියන 6.9ක් ගෙවීමෙහි කිසිදු වරදක් නොමැති බවත් එයින් ශ්‍රී ලංකාවට කිසිදු මූල්‍යමය පාඩුවක් නොමැති බවත් කෘෂිකර්ම අමාත්‍ය මහින්දානන්ද අලුත්ගමගේ මහතා අවධාරණය කරයි.
“චීනය ගෙවපු එකේ කිසිදු වරදක් නැහැ. නීතිපතිවරයාගෙ උපදෙස් පරිදි තමයි මෙය සමථයකට පත්වුණේ. ඒ චීන සමාගම විසින් ඇමරිකානු ඩොලර් මිලියන 5 ක ඇපකරයක් තියලා, නියම ප්‍රමිතියට පොහොර ලබාදෙන්න එකඟවෙලා තියෙනවා. දැන් ආපහු නැව ගිහිල්ලා, හරි පොහොර හදලා, සාම්පල් එවලා, නිරෝධායන ඒකකය පරීක්ෂා කරලා, ඒ පොහොර නැව නැවත ලැබෙනවා. මේකෙ එකම දේ තියෙන්නෙ නියමිත වෙලාවට පොහොර අපට නොලැබීම පමණයි අපට වෙච්ච පාඩුව. මුදලින් කිසිම පාඩුවක් වෙන්නෙ නෑ”
අමාත්‍ය මහින්දානන්ද අලුත්ගමගේ මහතා මේ බව පැවසුවේ ඊයේ (08) ගන්නෝරුව ප්‍රදේශයේ පැවති මාධ්‍ය හමුවක් අමතමිනි.
RN
