අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඔවුන් භාරයේ රඳවාගෙන සිටියදී පස්වෙනි මහලෙන් බිමට පැන සියදිවි නසාගෙන ඇති කාන්තාව රාජ්‍ය උකස් හා ආයෝජන බැංකුවේ සේවය කරමින් සිටි කාන්තාවක් බව වාර්තා විය.
එම කාන්තාව සමඟ එම බැංකුවේ සහකාර සාමාන්‍යාධිකාරීවරයෙක් ද අත්අඩංගුවට ගෙන තිබෙන අතර ඔවුන් දෙදෙනා අත්අඩංගුවට ගෙන ඇත්තේද ඊයේ (10) රාත්‍රියේදී.
මිය ගොස් සිටින කාන්තාව ඊයේ කැනඩාව බලා යාමට සූදානමින් සිට ඇති අතර අපරාධ පරීක්ෂණ දෙපාර්තමේන්තුව විසින් ඇයට එරෙහිව විදේශ ගමන් තහනමක් ද ලබා ගෙන තිබී ඇති බව සඳහන්.
මෙම අත්අඩංගුවට ගැනීම සිදුව තිබුණේ රුපියල් මිලියන 80ක මූල්‍ය වංචාවක් සම්බන්ධයෙන් ප්‍රශ්න කිරීම සඳහාය.
අපරාධ පරීක්ෂණ දෙපාර්තමේන්තුවේ අත්අඩංගුවේ සිටියදී මීට ඉහතදී ද එහි සිව්වන මහලෙන් පැන පුද්ගලයෙකු සිය දිවි නසාගෙන තිබුණි.
එම සිදුවීම 60 දශකයේ සිදුවූවක් වන අතර එලෙස සිය දිවි නසාගෙන තිබුණේ නුගේගොඩ දොඩම්පේ මුදලාලි නැමැත්තාය.
