සටහන – රෂිකා හෙන්නායක
ජනවාරි 12 කොළඹ (LNW): ඊයේ (11) රාත්රියේ දී කොළඹ 12 කෙසෙල්වත්ත ප්රදේශයේ නිවසක් තුළ දී තියුණු ආයුධයකින් පහරදී පුද්ගලයෙකු ඝාතනය කර ඇති බව පොලිසිය පවසයි.
මෙලෙස ඝාතනයට ලක්වී ඇත්තේ 48 හැවිරිද මාටිස් පටුමග, කොළඹ 12 ප්රදේශයේ පදිංචිව සිටි පුද්ගලයෙක් බව වාර්තා වේ.
මෙම ඝාතනය කෙසෙල්වත්ත පොලිස් වසමේ සංවිධානාත්මක අපරාධ කල්ලි සමාජික ‘කෙසෙල්වත්ත දනුක‘ යන අයට සම්බන්ධ පිරිසක් විසින් සිදු කර ඇති බවට තොරතුරු අනාවරණය කර ගෙන ඇති බවත්, මෙම ඝාතනයට හේතුව මීට පෙර එනම් 2023.07.30 වන දින සිදු වු මනුෂ්ය ඝාතනයක් බවත් පොලිසිය පවසයි.
කොළඹ 12 ප්රදේශයේ පදිංචි කාවින්ද දිල්ශාන් නොහොත් ‘පොඩි කවි‘ නැමැති අය ඝාතනය කිරිමට ඔත්තු සැපයු පුද්ගලයකු බවට හදුනා ගෙන අදාළ පුද්ගලයාව මෙලෙස ඝාතනය කර ඇති බවට අනාවරණය වී ඇති බවත්, එසේම ඝාතනය වූ පුද්ගලයා තවත් මනුෂ්ය ඝාතන වලට මීට පෙර සම්බන්ධ බවද පොලිසිය වැඩිදුරටත් සඳහන් කරයි.
මේ වනවිට සැකකරුවන් හඳුනාගෙන ඇති අතර ඔවුන් ප්රදේශයෙන් පළා ගොස් ඇති අතර මේ සම්බන්ධව වැඩිදුර විමර්ෂන කෙසෙල්වත්ත පොලිසියේ අපරාධ විමර්ෂන අංශය මගින් සිදුකරන බව පැවසේ,
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
