ඛනිජ තෙල් සංස්ථාව පොරොන්දු වී ඇති පරිදි ඩීසල් මෙට්‍රික් ටොන් 3000ක් අද (14) දිනයේදී ලබා නොදුනහොත් අද දිනයේත් විදුලි කප්පාදුවක් සිදුවිය හැකි බව ලංකා විදුලිබල මණ්ඩලය පවසයි.
ඉන්ධන නොමැති වීම නිසා තාප විදුලි බලාගාරවල ජනන යන්ත්‍ර කිහිපයක් අක්‍රිය වීම හේතුවෙන් ඊයේ දිනයේදී ප්‍රදේශ රැසකට විදුලිය බිඳවැටීම් සිදුවිය.
මේ වනවිට ඩීසල් මෙට්‍රික් ටොන් 3000ක් තමන්ට ලබාදීමට ඛනිජ තෙල් සංස්ථාව පොරොන්දු වී ඇති අතර එම ඩීසල් තොගය ලබා දුනහොත් යම්තාක් දුරකට විදුලිය බිඳවැටීම් අවම කරගත හැකි බවයි විදුලිබල මණ්ඩලයේ සාමාන්‍යාධිකාරී සහ මාධ්‍ය ප්‍රකාශක ඇන්ඩෲ නවමානි මහතා සඳහන් කළේ.
කෙසේවෙතත් දැවිතෙල් හිඟයක් ද උද්ගතව ඇති හෙයින් ඉදිරියේදී විදුලි අර්බුදය තවත් උඝ්ර වියහැකි බව ද විදුලිබල මණ්ඩල ආරංචිමාර්ග සඳහන් කළේය.
RN