සටහන – රෂිකා හෙන්නායක
ජනවාරි 18 කොළඹ (LNW): අද (18) දින කළුතර බන්ධනාගාරයේ රැඳවියෙකු මිය ගොස් ඇති බව කළුතර උතුර පොලීසිය පවසයි.
පොලීසිය සඳහන් කළේ, මෙසේ මිය ගොස් ඇත්තේ පානදුර, මෝදරවිල ප්රදේශයේ පදිංචිව සිටි 60 හැවිරිදි පුද්ගලයකු බවයි .
මිය ගොස් ඇති සැකකරු අසනීප තත්ත්වයක් හේතුවෙන් පසුගිය 14 දා කළුතර නාගොඩ ශීක්ෂණ රෝහලට ඇතුළත් කර ඇති බවත්, එහි වාට්ටු අංක 3හි නේවාසිකව ප්රතිකාර ලබමින් සිටියදී මිය ගොස් ඇති අතර, මිය ගොස් ඇති රැඳවියා පසුගිය 9 දා හෙරෝයින් මත්කුඩු සන්තකයේ තිබී අත්අඩංගුවට ගෙන පානදුර මහෙස්ත්රාත් අධිකරණය වෙත ඉදිරිපත් කිරීමෙන් පසු රිමාන්ඩ් බන්ධනාගාර ගතකර සිටි අයෙකු බව පොලීසිය සඳහන් කරයි.
කළුතර උතුර ස්ථානාධිපති ප්රධාන පොලිස් පරීක්ෂක දමිත් ජයතිලක මහතාගේ උපදෙස් පරිදි විවිධ පැමිණිලි අංශය පරීක්ෂණ පවත්වන බව සඳහන් වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
