විරේන් තවත් ඉදිරියට – අද පස්වරුවේ අවසන් පූර්ව තරග

සටහන – නිශ්මං රණසිංහ

ජනවාරි 20, කොළඹ (LNW): කලකට පසුව නැවත දක්ෂතා අතරට පිවිසි ශ්‍රී ලංකා බැඩිමින්ටන් ක්‍රීඩක විරේන් නෙත්තසිංහ මීට ටික වේලාවකට පෙර “වික්ටර් ස්වීඩන් වීවෘත” බැඩිමින්ටන් සූරතාවලියේ අවසාන පූර්ව තරගයට සුදුසුකම් ලැබීමට සමත් වුණා.ප්‍රංශයේ එනෝගට් රෝයි ට එරෙහිව වට 2-0 න් ජය ගන්නට විරේන්ට හැකි වුණා.එහි ලකුණු තත්ත්වය සටහන් වුණේ ලකුණු 21 – 19 සහ 21 – 18 ක් ලෙසයි.විරේන් මේ තරගය විනාඩි 39 ක් තුළ නිමා කර ජය ගන්නට සමත් වුණා.

අවසාන පූර්ව වටයේදී විරේන්ට හමුවීමට නියමිත මේ තරගාවලියේ අංක එකට ශ්‍රේණිගතව සිටින ස්පාඤ්ඤයේ පැබ්ලෝ ඒබියන් වන අතර ඔහු අවසාන පූර්ව වටයට සුදුසුකම් ලබා ගැනීම සඳහා ජොරාන් ක්වීකල් පරාජයට පත් කරනු ලැබුවා.එහි ලකුණු තත්ත්වය දැක්වුණේ ලකුණු 21 -11 සහ 21 -18 ක් ලෙසයි.එම තරගයට විනාඩි 42 ක කාලයක් ගත කිරීමට පැබ්ලෝට සිදු වුණා.

මේ වන විට පැබ්ලෝ ජගත් ශ්‍රේණිගත කිරීම් හී 67 වන තැනත්,විරේන් 83 වන තැනත් පසුවන අතර මේ තරගාවලියේදී මෑතකාලීනව සිඳු වූ පසුබෑමෙන් මිදුණු බවක් පෙන්වන විරේන් අවසාන පූර්ව තරගයේදී පැබ්ලෝට හොඳ සටනක් දෙනු ඇතැයි සිතිය හැකියි.අද පස්වරුවේ තරගය පැවත්වීමට නියමිතව තිබෙනවා.