පළාත් පාලන මැතිවරණය සඳහා නාමයෝජනා භාරගැනීම අද (21) දහවල් 12.00 න් අවසන් වීමට නියමිතව තිබේ.
ඉන් අනතුරුව නාමයෝජනා සම්බන්ධයෙන් විරෝධතා දැක්වීමට පස්වරු 01.30 දක්වා පැය එකහමාරක කාලයක් ලබාදෙන බව මැතිවරණ කොමිසම පවසයි.
එම කාලය අවසන් වීමෙන් පසුව මෙවර පළාත් පාලන මැතිවරණය සඳහා තරග වදින දේශපාලන පක්ෂ සහ ස්වාධීන කණ්ඩායම් ප්‍රකාශයට පත්කිරීම තේරීම් භාර නිලධාරීන් විසින් සිදුකෙරෙනු ඇත.
එසේම පළාත් පාලන මැතිවරණය පැවැත්වෙන දිනය ද නාමයෝජනා භාරගැනීම අවසන් වීමෙන් අනතුරුව මැතිවරණ කොමිසම විසින් ප්‍රකාශයට පත්කිරීමට නියමිතව තිබේ.
RN
