කොළඹ LNW:‘ද නේෂන්’ පුවත්පතේ නියෝජ්‍ය කතෘවරයා වූ කීත් නොයාර් මහතා පැහැරගෙන ගොස් කෲර වඳ හිංසා පැමිණවීමේ සිදුවීමට අදාළ නඩුකරය ඉතාමත් නුදුරේදීම ආරම්භ කරන බව ජනාධිපති අනුර කුමාර දිසානායක මහතා පැවසුවේය.
2008 මැයි 22 වනදා කීත් නොයාර් මහතා පහර ගෙන ගොස් කෲර වඳ හිංසා පමුණුවා තිබුණි.
ජනාධිපතිවරයා මේ බව පැවසුවේ පෞද්ගලික රූපවාහිනී නාලිකාවක පැවති දේශපාලන සාකච්ඡාවකට එක්වෙමිනි.
ඉන් අනතුරුව ජ්‍යේෂ්ඨ මාධ්‍යවේදී ලසන්ත වික්‍රමතුංග ඝාතනයට අදාළ නඩුවද පැවරීමට හැකි බවට තමන් විශ්වස කරන බව එහිදී ජනාධිපතිවරයා සඳහන් කරන ලදී.
ජ්‍යේෂ්ඨ මාධ්‍යවේදී ලසන්ත වික්‍රමතුංග මහතා 2008 වසරේ ජනවාරි 08 වැනිදා රත්මලාන අත්තිඩිය ප්‍රදේශයේද අධි ආරක්ෂක කලාපයේදී ඝාතනයට ලක්විය.
රගර් ක්‍රීඩක වසීම් තජුඩීන් ඝාතනයට අදාළව මේ වන විට ගැටළුකාරී තත්ත්වයක් ඇතිවී තිබෙන බවත් ඊට අදාළව නාවුක හමුදා නිලධාරීන් කිහිප දෙනෙක් අත්අඩංගුවට ගතයුතු වුවත් ඔවුන් කවුදැයි හඳුනාගැනීමට නොහැකි ලෙස ලේඛන අතුරුදහන්ව ඇති බවත් එම සාකච්ජාවේදී ජනාධිපතිවරයා ප්‍රකාශ කළේය.
රගර් ක්‍රීඩක වසීම් තජුඩීන් මහතාහේ දේහය 2012 වසරේ මැයි 17 වැනිදා නාරාහෙන්පිටට ‘ශාලිකා’ ක්‍රීඩාංගණය අසළ පාර්ක් පාරේ දැවී ගිය මෝටර් රථයක් තුළදී හමුවිය.
ආශිකා බ්‍රාහ්මණ
