කොළඹ LNW:අධිකරණයට අපහාස කළ බවට චෝදනා ලද රක්ෂිත බන්ධනාගාරගත කර සිටින ආගමන හා විගමන පාලක හර්ෂ ඉලුක්පිටිය මහතා බන්ධනාගාර නිලධාරීන් විසින් ශ්‍රේෂ්ඨාධිකරණයට ඉදිරිපත් කර තිබේ.
විද්‍යුත් වීසා නිකුත් කිරීමට අදාළව ගොණුකර තිබූ මූලික අයිතිවාසිකම් පෙත්සම්වලට අදාළව ශ්‍රේෂ්ඨාධිකරණය විසින් නිකුත් කළ අතුරු තහනම් නියෝග ක්‍රියාත්මක කිරීම පැහැර හැරීම තුළින් අධිකරණයට අපහාස කර ඇති බවටයි ඉලුක්පිටිය මහතාට චෝදනා එල්ල වී ඇත්තේ.
ඒ අනුව ඔහුව අත්අඩංගුවට ගෙන පසුගිය සැප්තැම්බර් මස රක්ෂිත බන්ධනාගාරගත කළේය.
එම පෙත්සම් අද (22) ශ්‍රේෂ්ඨාධිකරණය හමුවේ කැඳවීමට නියමිත හෙයින් ඉලුක්පිටිය මහතා අධිකරණයට ඉදිරිපත් කර ඇත,
ආශිකා බ්‍රාහ්මණ
