රෂිකා හෙන්නායක ජනවාරි 23, කොළඹ (LNW):
මේ වනවිට, කොළඹ වරායේ නිෂ්කාශනය නොවූ භාණ්ඩ විශාල ප්‍රමාණයක් ගොඩ ගැසී ඇතැයි වරාය හා සිවිල් ගුවන්සේවා නියෝජ්‍ය අමාත්‍ය රුවන් කොඩිතුවක්කු මහතා පවසයි.එම භාණ්ඩ ගොඩගැසිමට විවිධ හේතු බලපා ඇති බවද අමාත්‍යවරයා සඳහන් කළේය. එසේ භාණ්ඩ වරායේ ගොඩ ගැසී තිබීමෙන් විශාල ඉඩ ප්‍රමාණයක් අපතේ ගොස් ඇති බවද දක්නට ලැබේ.
ඇතැම් අය බදු නොගෙවීම හේතුවෙන් එම භාණ්ඩ වරායෙන් නිදහස් කර නොමැති බව අමාත්‍යවරයා සඳහන් කළේ ය. තවද , නිෂ්කාශයට අදාළ ලිපි ලේඛන නොමැති වීමද මෙයට හෙතු වී ඇති බවද පැවසේ.
නියෝජ්‍ය අමාත්‍යවරයා පැවසුවේ , නිදහස් කර නොගත් භාණ්ඩ සම්බන්ධයෙන් රේගු දෙපාර්තමේන්තුවෙන් වරාය අධිකාරිය වාර්තාවක් ඉල්ලා ඇති බවයි.
