මේ මොහොතේ මැතිවරණයක් පැවැත්වීමට වඩා රටේ දියුණුව වෙනුවෙන් කළයුතු වෙනත් බොහෝ දෑ පවතින බව එක්සත් ජාතික පක්ෂයේ සභාපති, පාර්ලිමේන්තු මන්ත්රී වජිර අබේවර්ධන මහතා පවසයි.
“1987 මේ වගේම නාමයෝජනා පත්ර භාරගත්තා, නමුත් මැතිවරණයක් තිබුණෙ නෑ. එතකොට මේ රටේ ඉතිහාසය තුළ විවිධ අවස්ථා තිබෙනවා රටේ පීඩනය ආපු වෙලාවට ප්රජාතන්ත්රවාදය ආරක්ෂා කිරීමට ක්රියා කරපු. බොහෝ අය හිතන්නෙ ඡන්දයක් පාවිච්චි කිරීම තමයි ප්රජාතන්ත්රවාදය කියන්නෙ කියලා. නෑ, ඡන්දයක් පාවිච්චි කිරීමට වඩා, රට දියුණු කරන්න බලාපොරොත්තු වෙනවා නම් සිංගප්පූරුවේ තිබෙන නීති පද්ධතිය ශ්රී ලංකාවට අවශ්ය කරලා තිබෙනවා. ජපානයේ තිබෙන නීති පද්ධතිය ශ්රී ලංකාවට අවශ්ය කරලා තිබෙනවා. නීති රීති අවශ්ය කරන රටක, ඒවා නිසි ආකාරව ඉදිරිපත් නොකර අපි යන ගමනෙන් බංකොලොත් වූ රට තවත් විනාශයකට තල්ලු කරන්න එපායි කියන එක තමයි ප්රකාශ කරන්න තිබෙන්නේ”
වජිර අබේවර්ධන මහතා මේ බව පැවසුවේ පසුගිය 21 වනදා නාමයෝජනා භාරදීම අවසන් වීමෙන් අනතුරුව මාධ්ය වෙත අදහස් දක්වමිනි.
RN
