කොවිඩ් රෝගීන්ට ප්‍රතිකාර කිරීම සඳහා භාවිතා කරන මොල්නුපිරවීර් ඖෂධය ආනයනය කිරීම සඳහා සමාගම් 06 කට අනුමැතිය ලබා දී ඇති බව ඖෂධ නිෂ්පාදන, සැපයුම් හා නියාමන රාජ්‍ය අමාත්‍යංශය පවසනවා. අද පැවති මාධ්‍ය හමුවකදී අමාත්‍යංශයේ ලේකම්, වෛද්‍ය සමන් රත්නායක මහතා මේ බව අනාවරණය කළේය.
මේ අතර මෙම ඖෂධය මෙරටදී නිෂ්පාදනය කිරීම සඳහාද නිෂ්පාදකයෙකු ඉදිරිපත්ව තිබෙනවා. කෙසේ නමුත් මොල්නුපිරවීර් ඖෂධය තවමත් පරීක්ෂණ මට්ටමේ පවතින ඖෂධයක් බැවින් හා කොවිඩ් රෝගීන්ට ප්‍රතිකාර කිරීම සඳහා ඵලදායී ඖෂධයක් ලෙස සහතික කර නොමැති බැවින් මෙරටදී නිෂ්පාදනය සඳහා අවසර ලබාදීමට තවමත් අවසන් තීරණයකට පැමිණ නොමැති බවයි සමන් රත්නායක මහතා සඳහන් කරන්නේ.
මෙම ඖෂධය මිල අධික බැවින් මේ අවස්ථාවේදී ඊට වියදම් දැරීමට නොහැකි වීමද මෙරටදී නිෂ්පාදනය නොකිරීමට තවත් හේතුවක් වී තිබේ.
මෙම ඖෂධය රජයේ මැදිහත්වීම හරහා ගෙන්වීමට තවමත් තීරණය කර නොමැති අතර පෞද්ගලික අංශය හරහා පමණක් ගෙන්වීමට තීරණය කර තිබේ.
UN
