රෂිකා හෙන්නායක ජනවාරි 29, කොළඹ (LNW):
ජනාධිපති ලේකම් කාර්යාලයෙන් ජාතික නිදහස් පෙරමුණට ලබාදුන් වාහන අවභාවිත කළ බව කියන සිද්ධියට අදාළ නඩුව කොටුව මහේස්ත්‍රාත් අධිකරණය හමුවේ අද(29) යළි කැඳවනු ලැබූ අතර, එහිදී එම නඩුව නීතිපති උපදෙස් සඳහා ජුනි මස 25 වනදා යළි කැඳවන ලෙස අධිකරණය නියෝග කළ බව වාර්තා වේ.
හිටපු පාර්ලිමේන්තු මන්ත්‍රී විමල් වීරවංශ මහතා ඇතුලු පිරිසකට එරෙහිව එම නඩුව ගොණු කර තිබුණි.
මේ සම්බන්ධයෙන් නීතිපති උපදෙස් සඳහා යොමුකර ඇති බව , එහිදී අපරාධ පරීක්ෂණ දෙපාර්තමේන්තුව කියා සිටි බව පැවසේ. මෙහි සෙසු සැකකරුවන් වන්නේ, මොහොමඩ් මුසම්මිල්, සරත් වීරවංශ , සේනාරත්න ද සිල්වා සහ ජයන්ත සමරවීර යන අයයි.
