බටහිර ආසියානු බේස්බෝල් තරගාවලියේ ඊයේ පැවත්වීමට නියමිතව තිබූ තරග වර්ෂාව හේතුවෙන් කල් දමා තිබෙනවා.අදත් උදෑසන ඉස්ලාමාබාද් හී කාලගුණ තත්ත්වය යහපත් නැහැ.දැඩි ශීත සහ අඳුරු වළාකුළු සහිත අහසක් තිබෙන බව කාලගුණ වාර්තා පෙන්වා දෙනවා.
එසේම අද තරගාවලිය සම්බන්ධයෙන් විශේෂ ආරක්ෂාවක් ද එක්වෙනු ඇති බවට තොරතුරු වාර්තා වෙනවා.ඒ ඉස්ලාමාබාද් නුවරට කිමී 190 ක් පමණ දුරින් පුපුරා ගිය මිනිස් බෝම්බය නිසයි.පොලිස් නිලධාරීන් 27 ක් ඇතුළු හැටකට ආසන්න ප්‍රමාණයකට ජීවිත අහිමි කළ එම බෝම්බය පුපුරුවා හැරීමේ වගකීම පකිස්තාන තලෙයිබාන් සංවිධානය භාරගෙන නැහැ.
ඒ නිසා මෙම පුපුරායාම අලුත් තර්ජනයක් මෙන්ම යාච්ඤා කරමින් සිටි පල්ලියකට ආරක්ෂක අංශවල ජීවිතද ඉලක්ක කරගෙන එල්ලවීම ගැන පකිස්තාන ආරක්ෂක අංශවලට අලුතෙන් හිතන්නට සිඳු වී තිබෙනවා.
අද තරගාවලිය පැවත්වුවහොත් ඊයේ තරග පැවත්වීමට තිබූ වේලාවට ශ්‍රී ලංකාව සහ පකිස්තානය අතර තරගය පැවත්වෙනු ඇති.
RM
ඊයේ තෙමෙයි කියා ආරක්ෂා කළ බේස්බෝලයට අද දැඩි ආරක්ෂාව
Date:
