Saturday, October 1, 2022
spot_img
spot_img

Latest Posts

සමරිසි අයිතීන් වෙනුවෙන් පෙනී සිටි එකම තනි දේශපාලඥයා මංගල: බුද්ධික පතිරණ

පසුගිය දින පාර්ලිමේන්තුවේ දිවංගත හිටපු අමාත්‍ය මංගල සමරවීර මහතාගේ අභාවයට ශෝකය ප්‍රකාශ කිරීමේ වටයක් පැවැත්විනි.

මෙම අවස්ථාවට එක්වෙමින් පක්ෂ විපක්ෂ බොහෝ මැති ඇමතිවරුන් හිටපු අමාත්‍යවරයාගේ ගුණ වර්ණනා කිරීම දක්නට ලැබිණි.

දේශපාලන දැක්ම කුමක් වූව ද, ජාතිවාදය, ආගම්වාදය, වර්ගවාදය වැනි කරුණු බොහොමයකට එක එල්ලේ විරුද්ධ වූ රැඩිකල් මතධාරී තනි සටන්කරුවකු ලෙස සමරවීර මහතා දේශපාලන පිටිය තුළ ඉටුකළ භූමිකාව බොහෝ දෙනෙක් සිහිපත් කළහ.

මෙම අවස්ථාවට එක්වෙමින් සමඟි ජන බලවේගයේ පාර්ලිමේන්තු මන්ත්‍රී බුද්ධික පතිරණ මහතා අවධාරණය කළේ, ශ්‍රී ලංකාවේ සමරිසි, ද්වීරිසි, සංක්‍රාන්ති සමාජභාවී සහ කුයර අනන්‍යතා දරන පුද්ගලයන්ගේ අයිතිවාසිකම් වෙනුවෙන් පෙනීසිටි පළමු සහ එකම ‘තනි දේශපාලඥයා’ මංගල සමරවීර මහතා බවයි.

තමා එම ප්‍රජාවට අයත් පුද්ගලයකු නොවූව ද, ශ්‍රී ලංකාවේ සමරිසි, ද්වීරිසි, සංක්‍රාන්ති සමාජභාවී සහ කුයර අනන්‍යතා දරන පුද්ගලයන්ගේ මානව හිමිකම් ආරක්ෂා විය යුතු බව තමා ද විශ්වාස කරන බව බුද්ධික පතිරණ මහතා මෙහිදී පවසා සිටියේය.

මංගල සමරවීර මහතා සමරිසි, ද්වීරිසි, සංක්‍රාන්ති සමාජභාවී සහ කුයර අයිතිවාසිකම් වෙනුවෙන් හඬ නඟනු ලැබුවේ, ශ්‍රී ලංකාවේ එම ප්‍රජාවන් හට හිංසනයන් හා වෙනස්කොට සැලකීම් සිදුවන කාලවකවානුවක බව පෙන්වා දෙන බුද්ධික පතිරණ මන්ත්‍රීවරයා, වරක ඇතැම් මන්ත්‍රීවරුන් ඔහුට ‘සමනලයා’ යැයි අපහාස කරන විට තමා එය ආඩම්බරයෙන් බාරගන්නා බව සමරවීර මහතා පැවසූ බව ද සිහිපත් කළේය.

සංස්කාරක (LGBTIQ)

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.