කොළඹ LNW:වී ගබඩා විවෘත කළද ගොවියන් රජයට වී නොදෙන තත්ත්වයක් මතුව ඇති බව ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රී ඉන්දික අනුරුද්ධ මහතා පැවසුවේය.
ඒ,අද (13) ශ්‍රී ලංකා පොදුජන පෙරමුණේ ප්‍රධාන කාර්යාලයේ පැවති මාධ්‍ය හමුවේදීය.
වී මිලදී ගැනීමට ඇති නොහැකියාවෙන්ම ආණ්ඩුවේ නොහැකියාව පෙන්නුම්කරමින් සිටින බව හිටපු මන්ත්‍රීවරයා ප්‍රකාශ කළේය.
”දැන් කවුරුහරි වී අරන් තියෙනවද රජයේ වී ගබඩා වලට. පුළුවන්වෙලා තියෙනවද වසන්ත සමරසිංහ මහත්තයට කියන්න අපි මෙච්චරක් වී ගත්තා කියල ගබඩා වලට. මකුළු දැල් කැඩුවා. සුද්ද කෙරුවා. රෙපෙයාර් කෙරුවා. වී ගබඩා විවෘත කෙරුවා. වී අරගෙන ගොවියෝ එන්නේ නැහැ.එක කාලයක් කිව්වා වී දෙන්නේ නෑනේ කියල. හාල් දෙන්නේ නෑනේ.වී තියෙන්නේ මෝල් හිමියෝ ළඟනේ. අදත් වී මෝල් හිමියන්ට යනවා. හැබැයි රජයට එන්නේ නැහැ. ඉතින් නොහැකියාව නෙවෙයිද?”
ඒ අනුව පවතින තත්ත්වය මත තමන් නියෝජනය කරන කඳවුර ශක්තිමත් කරමින් සිටින බවයි ඉන්දික අනුරුද්ධ මහතා කියාසිටියේ.
ආශිකා බ්‍රාහ්මණ
