සටහන: සශිකලා මධුෂාණි, පෙබරවාරි 15,
ලෝකය(අවුට්බවුන්ඩ් ටුඩේ) : පුද්ගලයන්ට සහ සමාගම්වලට නිර්නාමිකව සහ සීමාවකින් තොරව දේශපාලන පක්ෂවලට මුදල් පරිත්‍යාග කිරීමට ඉඩ සලසන මැතිවරණ බැඳුම්කර නමින් වසර හතක් පැරණි මැතිවරණ අරමුදල් ක්‍රමයක් ඉන්දීය ශ්‍රේෂ්ඨාධිකරණය විසින් තහනම් කර ඇති බව වාර්තා වේ.
අගවිනිසුරු ඩී වයි චන්ද්‍රචුඩ් ප්‍රමුඛ පංච පුද්ගල ශ්‍රේෂ්ඨාධිකරණ විනිසුරු මඩුල්ලක් විසින් මෙම ක්‍රමය ව්‍යවස්ථා විරෝධී බව තහවුරු කළ අතර අවස්ථා ගණනාවකදී සිවිල් කණ්ඩායම් හා විරුද්ධ පක්ෂයන් විසින් පක්ෂ වලට මුදල් ලබා දෙන්නෙන් කවුරුන්ද යන්න දැනගැනීමට අයිතියක් මහජනතාව සතුව ඇති බව පෙන්වා දෙන ලදී.
මෙම ක්‍රමය යටතේ පුද්ගලයෙකුට හෝ සමාගමකට මෙම බැඳුම්කර ඉන්දීය මහා බැංකුවෙන් රුපියල් 1,000 (ඩොලර් 12) සිට රුපියල් මිලියන 10 ($ 120,000) දක්වා මිලට ගෙන ඔවුන් කැමති දේශපාලන පක්ෂයකට පරිත්‍යාග කළ හැකිය. ඒ අනුව, මැතිවරණ බැඳුම්කර දේශපාලන අරමුදල් සැපයීමේ ප්‍රධාන ක්‍රමයක් බවට පත්ව තිබිණි.
මෙම ක්‍රමයේ විශාලතම ප්‍රතිලාභියා වූ අගමැති නරේන්ද්‍ර මෝදිගේ භාරතීය ජනතා පක්ෂය (BJP) වන අතර මැතිවරණයට මාස දෙකකට පෙර මෙම ක්‍රමය හඳුන්වා දීමත් සමඟ මෝදිගේ භාරතීය ජනතා පක්ෂය (BJP) අරමුදල් අතින් සුබෑමකට ලක්වණු ඇතැයි සැලකේ,
