සමගි ජන බලවේගයේ සභාපති ෆිලඩ් මාර්ෂල් සරත් ෆොන්සේකා මහතාගේ පක්ෂ සාමාජිකත්වය හෝ පක්ෂයේ ඔහු දරන තනතුරු අත්හිටුවීම සහ ඔහුට එරෙහිව විනය ක්‍රියාමාර්ග ගැනීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර තිබේ.
ඒ, සරත් ෆොන්සේකා මහතා ගොනු කළ පෙත්සමක් අද (19) කොළඹ දිසා විනිසුරු සඳුන් විතාන මහතා හමුවේ කැඳවූ අවස්ථාවේදී ය.
දින 14ක් දක්වා බල පැවැත්වෙන පරිදි මෙම නියෝගය සජබ නායක සජිත් ප්‍රේමදාස, මහලේකම් රංජිත් මද්දුම බණ්ඩාර, ජාතික සංවිධායක තිස්ස අත්තනායක සහ භාණ්ඩාගාරික හර්ෂ ද සිල්වා යන මහත්වරුන් වෙත නිකුත් කර ඇත.
RN
