පවතින ඩීසල් හිඟය නිසා අද (28) සිට පෞද්ගලික බස් රථවල ගමන්වාර ප්‍රමාණය 50% කින් අඩුකරන බව ලංකා පෞද්ගලික බස් හිමියන්ගේ සංගමය පවසයි.
ඒ අනුව කාර්යාල වේලාවන්, අපොස උසස් පෙළ විභාගය පැවැත්වෙන කාල සීමාවන් ආදී අත්‍යවශ්‍ය ගමන්වාර පමණක් අද සිට ධාවනය කෙරෙන බවයි එම සංගමයේ සභාපති ගැමුණු විජේරත්න මහතා ප්‍රකාශ කළේ.
අනවශ්‍ය ගමන්වාර මෙන්ම දිවා කාලයෙහි බස් ධාවනය සම්පූර්ණයෙන්ම සීමා කිරීමට කටයුතු කරන බවත් ඒ මහතා සඳහන් කළේය.
ගැමුණු විජේරත්න මහතා මේ බව පැවසුවේ ඊයේ (27) දිනයේදී මාධ්‍ය වෙත අදහස් දක්වමිනි.
RN
