සටහන – රෂිකා හෙන්නායක
පෙබරවාරි, 28 කොළඹ (LNW):අද (28) දින විදුලි ගාස්තු සංශෝධනය පිළිබඳව මහජන උපයෝගීතා කොමිසමේ නිර්දේශ ප්‍රකාශයට පත් කිරීමට නියමිත බවත්, විදුලි බල මණ්ඩලය ඉදිරිපත් කරනු ලැබු යෝජනාවට අනුව නව ගාස්තු සංශෝධනය 18%කින් පමණ අඩුවීමක් සිදුවනු ඇති බවට වාර්තා වේ.
විදුලි බල මණ්ඩලය යොමුකළ විදුලි ගාස්තු අඩුකිරීමේ නව යෝජනාව සම්බන්ධයෙන් සාකච්ඡා කිරීම සදහා මහජන උපයෝගීතා කොමිෂන් සභාවේ රැස්වීමක් අද (28) පැවැත්වෙන බව සඳහන් වේ.
එහිදි විවිධ පාර්ශවලින් ඉදිරිපත් කළ අදහස් හා යෝජනා ද සැලකිල්ලට ගන්නා බව මහජන උපයෝගීතා කොමිසම සඳහන් කරයි.
පසුගිය ඔක්තෝබර් මාසයේ වැඩිකළ විදුලි බිල එම ප්‍රතිශතයෙන්ම අඩුකිරීමට විදුලි බල මණ්ඩලය යෝජනා කළ බව අමාත්‍ය කංචන විජේසේකර මහතා පසුගිය දා පාර්ලිමේන්තුවේ ප්‍රකාශ කළේය. මේ අනුව විදුලි බිල අඩුකිරීම සම්බන්ධ අවසන් තීරණය අද ප්‍රකාශයට පත් කිරීමට නියමිත බව වාර්තා වේ.
