කොළඹ LNW:නැගෙනහිර කල්මුණේ ප්‍රදේශය කේන්ද්‍ර කරගනිමින් අන්තවාදී සංවිධානයක් නිර්මාණය වී ඇති බවට තොරතුරු අනාවරණය කරගෙන තිබේ.
ඒ සම්බන්ධ තොරතුරු රජය වෙත ලැබී ඇති බවයි අද (04) රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවේදී කැබිනට් ප්‍රකාශක අමාත්‍ය නලින්ද ජයතිස්ස මහතා පැවසුවේ.
තවදුරටත් ඒ පිළිබඳව බුද්ධි අංශ සහ ආරක්ෂක අංශ තොරතුරු අනාවරණය කරමින් සිටින බවද අමාත්‍යවරයා සඳහන් කළේය.
ආරක්ෂක අමාත්‍යාංශ වැය ශිර්ෂ විවාදයේදී ජනාධිපතිවරයාද යම් කරුණු ප්‍රමාණයක් පැවසූ අතර ආරක්ෂක අංශ තවදුරටත් ඒ පිළිබඳව සුපරීක්ෂාවෙන් සිටින බව පැවසිය හැකි බවද අමාත්‍යවරයා තවදුරටත් ප්‍රකාශ කළේය.
ආශිකා බ්‍රාහ්මණ
