තමන්ව බලශක්ති අමාත්ය ධුරයෙන් ඉවත් කළේ මෙරට LNG සැපයුම ඇමරිකාවට ලබාදීමේ වෑයමට තමන් බාධාවක් වූ නිසා බව පාර්ලිමේන්තු මන්ත්රී උදය ගම්මන්පිල මහතා පවසයි.
“මේ අමාත්ය ධුරයෙන් ඉවත්කිරීම සම්බන්ධයෙන් එක එක සම්පප්රලාප කියනවානෙ. නිව් ෆෝට්රස් එනර්ජි සමග අත්සන් කළ ගිවිසුම අමාත්ය මණ්ඩලය ඉදිරිපත් කළේ අත්සන් කළාට පස්සේ. ඒ ගිවිසුමේ ඉතා වැදගත් වගන්තියක් තියෙනවා, ශ්රී ලංකා ආණ්ඩුවේ වගකීම් කියලා. එයින් එකක් තමයි බලශක්ති අමාත්යවරයා ලවා නිව් ෆෝට්රස් සමාගමට LNG සැපයීමට ඒ කියන්නෙ බලපත්රයක් නිකුත් කරවා ගැනීමට. බලශක්ති ඇමතිවරයා කවුද ? LNG ගිවිසුමට විරුද්ධව උසාවි ගිය උදය ගම්මන්පිල. එතකොට මේ ගිවිසුම ක්රියාත්මක කරන්න ලොකු බාධාවක් වෙනවා. මාව ඉවත් කරගත්තේ නැත්නම් ඇමරිකාවට ගෑස් සැපයීමේ ඒකාධිකාරිය ලබාදීමේ ව්යාපෘතිය උදය ගම්මන්පිල කියන මහා බාධකයෙන් එහා පැත්තට පන්නාගන්න බැරිවෙනවා. ගම්මන්පිල අත්සන් කරන්නෙත් නැත්නම් වැඩේ කරන්නත් ඕනෙ නම් ගම්මන්පිල වෙනුවට වැඩේ කරන්න කැමති කෙනෙක්ව ඇමති ධුරයට පත්කරගන්න සිද්ධ වෙනවා”
උදය ගම්මන්පිල මහතා මේ බව පැවසුවේ දෙරණ රූපවාහිනී නාලිකාව සමග පැවති සාකච්ඡාවකදී ය.
RN
