ජාත්‍යන්තර මූල්‍ය අරමුදල ශ්‍රී ලංකාවට ලබාදෙන විස්තීර්ණ ණය පහසුකමට අදාළ දෙවැනි සමාලෝචනය පිළිබඳ කාර්ය මණ්ඩල මට්ටමේ එකඟතාවකට පැමිණ අවසන් කර තිබේ.
ශ්‍රී ලංකාවට පැමිණ සිටින IMF දූත මණ්ඩලයේ ප්‍රධානී පීටර් බෲවර් මහතා ඊයේ (21) කොළඹදී පැවැත්වූ මාධ්‍ය හමුවකදී මේ බව ප්‍රකාශ කළේය.
ඒ අනුව, මීට විධායක මණ්ඩලයේ අනුමැතිය ලබාගැනීමෙන් අනතුරුව ශ්‍රී ලංකාවට ඩොලර් මිලියන 330ක් පමණ වන තුන්වැනි වාරිකය ද ලබාගැනීමට හැකිවනු ඇති බවයි ඒ මහතා සඳහන් කළේ.
මීළඟට ඇති ප්‍රධානතම කාර්යය වන්නේ නිල ණය හිමියන් සමග ගිවිසුම් අවසන් කිරීම සහ නියමිත වේලාවට බාහිර පුද්ගලික ණය හිමියන් සමග ගිවිසුම්වලට එළඹීම බවත් ඒ මහතා පැවසීය.
RN
