සාෆිගේ හිග වැටුප් ගෙවීමට නීතිපති එකඟ වෙයි

Date:

වඳ සැත්කම් සිදුකළ බවට අසත්‍ය චෝදනා එල්ල කරමින් වැඩ තහනමට ලක් වූ තමාගේ, වැඩ තහනම් කළ කාලසීමාවට අදාල හිග වැටුප් ලබාදෙන්නැයි නියෝගයක් නිකුත් කරන ලෙස ඉල්ලා කුරුණෑගල ශික්ෂණ රෝහලේ වෛද්‍ය මොහමඩ් සාෆි මහතා ගොනුකර ඇති රීට් පෙත්සම අද අභියාචනාධිකරණය හමුවේ කැඳවා තිබිණි.

නීතිපතිවරයා වෙනුවෙන් අභියාචනාධිකරණය හමුවේ පෙනී සිටි අතිරේක සොලිසිටර් ජනරාල් සුමති ධර්මවර්ධන මහතා ප්‍රකාශ කළේ වෛද්‍යවරයාගේ සියලු හිග වැටුප් හා දීමනා ගෙවීමට කටයුතු කරන බවයි. ඊට අදාලව රාජ්‍ය පරිපාලන ආමත්‍යංශයේ ආයතන අධ්‍යක්ෂ ජනරාල්වරයා විසින් නිකුත් කළ ලිපියක්ද අධිකරණය වෙත ලබා දී තිබෙනවා.

අධ්‍යක්ෂ ජනරාල්වරයා සිය ලිපියෙන් පවසන්නේ සාෆි වෛද්‍යවරයාගේ වැඩ තහනම් කළ කාලසීමාවට අදාල වැටුප්, දීමනා, ජීවන් වියදම් දීමනා, අතුරු දීමනා ඇතුළු සියලු ගෙවීම් සිදු කිරීමට පියවර ගන්නා බවයි.

තමන්ට අදාලව සිදුකළ විනය පරීක්ෂණය කුරුණෑගල රෝහලේ අධ්‍යක්ෂ චන්දන කැන්දගමුව මහතා විසින් පැවැත්වීම සම්බන්ධයෙන් විරෝධය පළකරන බවද වෛද්‍යවරයා සිය පෙත්සමේ සඳහන් කර තිබිණි. නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් සුමති ධර්මවර්ධන මහතා සඳහන් කළේ ඊට විරුද්ධ බවයි.

සෝභිත රාජකරුණා, ධම්මික ගනේපල යන අභියාචනාධිකරණ විනිසුරුවරුන්ගෙන් සමන්විත විනිසුරු මඩුල්ල හමුවේ මෙම පෙත්සම කැඳවා තිබිණි.

UN

Share post:

spot_imgspot_img

Popular

More like this
Related

පරණ සෙල්ලම් අවසන්. ප්‍රවාහනයේ ආරක්ෂාව සහතික කරන්න රජයෙන් තීරණ රැසක්!

කොළඹ LNW:ඉහළ යන බිහිසුණු අනතුරු වැළැක්වීම සඳහා රජය් විසින්...

සජබ මන්ත්‍රී ප්‍රසාද් මාලිමා මන්ත්‍රීනී ලක්මාලිගෙන් සමාව ඉල්ලයි

සටහන - රුවන් නෙළුගොල්ල තමන් ඊයේ (10) පාර්ලිමේන්තුවේදී සිදුකරන ලද...

ජනාධිපති ට්‍රම්ප්ගේ ඉහලම විශ්වාසවන්තයකු වූ කොන්සර්වේටිව් ක්‍රියාකාරික චාලි කර්ක් වෙඩිතබා ඝාතනය කෙරේ

සටහන: සශිකලා මධුෂාණි සැප්තැම්බර් මස 11: ලෝකය(අවුට්බවුන්ඩ් ටුඩේ): කොන්සර්වේටිව් පක්ෂ...

කෙහෙල්බද්දර පද්මේ සමග සබඳතා පැවැත්වූ පොලිස් නිලධාරියෙක් CID අත්අඩංගුවට

සටහන - රුවන් නෙළුගොල්ල පාතාල කල්ලි නායකයකු වන කෙහෙල්බද්දර පද්මේ...